Միլանում ընթացող Emerging Talents Milan նորաձևության միջոցառման ընթացքում հայ դիզայներներն աշխարհին կոչ են արել Հայաստանի կողքին լինել`դատապարտելով ադրբեջանական ագրեսիան:

Հագուստների ցուցադրությունը սկսելուց առաջ մեծ էկրանին է հայտնվել հետևյալ գորւթյունը. «Մինչև ցուցադրությունը սկսելը, հայ դիզայներները բարձրացնում են իրենց ձայնը և խնդրում կանգնել Հայաստանի կողքին՝ դատապարտելով Ադրբեջանի ագրեսիան»:

Հաղորդագրության ավարտին հայ դիզայներները`Stand with Armenia գրությամբ շապիկներով, ոտքի են կանգնել հանդիսատեսի միջից և բարձրացել պոդյում: Քայլը հանդիսատեսի շրջանում ծափահարություններով է ընդունվել:

Նորաձևության և դիզայնի պալատ ՀԿ-ը իր ինստագրամյան էջում տարածել է տեսանյութն ու լուսանկարները՝ հիշեցնելով, որ սեպտեմբերի 13 -ին Ադրբեջանը հարձակում է սկսել և ներխուժել Հայաստանի ինքնիշխան տարածք, որի հետևանքով զոհվել են հարյուրավոր զինվորներ, խաղաղ բակիչներ, գնդակոծվել են տներ և ենթակառուցվածքներ, սպանվել և անդամահատվել է 3 երեխաների մայր:

Ցուցադրությանը մասնակցել են Վահան Խաչատրյանը, Ֆաինան, Արիգա Թորոսյանը և Նելլի Սերոբյանը, ինչպես նաև LOOM Weaving, Kivera, RUZANE (Ռուզաննա Վարդանյան), SONCESS և Just Black ապրանքանիշները ներկայացնող դիզայներները:

Աղբյուրը՝ style.news.am