ՀՀ ԱԺ նախագահ Հովիկ Աբրահամյանն անարդար և անհիմն է համարում երկխոսությունն առկախելու ՀԱԿ-ի մոտեցումը:

-Ի՞նչ կապ ունի Տիգրան Առաքելյանը երկխոսության հետ: Կարո՞ղ է մինչև երկխոսություն սկսվելը եղել է նախապայման, որ որևէ մեկը եթե հանցագործություն անի, մենք պետք է իրեն անպայման բաց թողնենք: Ես կարծում եմ, որ դա իրավական խնդիր է: Եթե իրավապահ մարմիննների կողմից այդ հարցը լուծելուց հետո իերնք կտեսնեն, որ անրադար որոշում է կայացվել, այ այն ժամանակ թո՛ղ դիմեն հանրապետության նախագահին, դատարաններին: Այդ հնարավորություններն իրենք ունեն: Հիմա դեռ քննություն է գնում: Գոնե թող համբերություն ունենան, ավարտվի,-ընդգծել է Հ. Աբրահամյանը:

Նա նաև ավելացրել է.

-Հերի՛ք է հեղափոխությունից խոսենք: Հեղափոխության մասին են խոսում այն դեպքում, երբ ԱԺ ընտրություններին մնացել է 7 ամիս: Եվ յուրաքանչյուր ողջամիտ քաղաքական ուժ կփորձեր նախապատրաստվել այդ աշխատանքներին, ոչ թե խոսել հեղափոխությունից: Ես դեմ եմ ընդհանրապես հեղափոխություններին: Հետո հեղափոխությունները ոչ թե պետք է ցանկությունվ լինեն, այլ դրանք պետք է իրականանան` իրավիճակից ելնելով: Հիմա հեղափոխական իրավիճակ Հայաստանում ես չեմ տեսնում:

7or.am