«Իմ հեռախոսն էդ օրերին փոքր երեխան գցել-կոտրել էր, ու դա համապատասխանել է այդ օրերին։ Եթե ուզում եք, ես իմ վարկային պայմանագիրը կուղարկեմ, որ ընդամենը 72 հազար դրամանոց հեռախոս եմ գնել»,-վրդովվեց նա։ Ինչ վերաբերում է քվեարկությանը․ «Ես մտածել եմ իմ համայնքի մասին, մանավանդ՝ ստեղծված այս իրավիճակին, երբ չգիտես՝ ինչ կարող է տեղի ունենալ։ Դուք պատկերացնո՞ւմ եք՝ էլի նոր ընտրություն, երբ կառավարությունը շատ ավելի այլ խնդիրներ ունի լուծելու՝ զենքի, զինվորների կարիքների և այլն։ Ես միանձնյա եմ որոշում կայացրել՝ ելնելով իմ սկզբունքներից և իրավիճակից։ Ես չցանկացա, որ գան ուժեր, որոնք ինձ համար ընդունելի չեն»։

Ամեն դեպքում, ուսուցչուհուն չի հաջողվել այդ հարցը լուծել՝ Սիսիանի ավագանու նիստը, որի օրակարգում համայնքապետի երդման արարողությունն էր, երեկ քվորումի բացակայության պատճառով չկայացավ։ Արմեն Հակոբջանյանին արդեն երկրորդ անգամ չհաջողվեց երդվել և ստանձնել համայնքի ղեկավարի լիազորությունները։ Իսկ դա նշանակում է, որ Սիսիանում նոր ընտրություններ կլինեն»: