Նոյեմբերի 10-ին Տավուշի մարզի Բերդ համայնքում տեղի է ունեցավ նորընտիր ավագանու առաջին նիստը: Հիշեցնենք, որ ընտրություններում Հարություն Մանուչարյանի գլխավորած «Զորավոր համայնք» դաշինքը ստացել էր ձայների 51 տոկոսը, հիմնական մրցակիցը՝ իշխող «Քաղաքացիական պայմանագիրը»՝ 39 տոկոսը։

Հարություն Մանուչարյանը ընտրություններից առաջ կալանավորվել էր, ամիսներ շարունակ բանտում էր, կալանքից ազատվել էր օրեր առաջ և հրաժարականի դիմում ներկայացրել:

Այսօր պարզ դարձավ նաև, որ իրավապահները նորից կալանավորել են Հարություն Մանուչարյանին:

***

Բերդի համայնքապետ ընտրվեց «Զորավոր համայնք»-ի թեկնածու Աստղիկ Հակոբյանը։ Նա ստացավ 11 ձայն։ «Քաղաքացիական պայմանագիր» կուսակցության թեկնածու Վահրամ Սուքիասյանը ստացավ 8 ձայն։ «Արժանապատիվ սերունդ» դաշինքի թեկնածու Արթուր Սաֆարյանը՝ 2 ձայն։

Նշենք, որ իշխանությունը մի շարք մեթոդների դիմեց՝ իր թեկնածուին անցկացելու համար՝ ընդհուպ մինչև կալանավորումների, սակայն հաջողության չհասավ։

Այսօր Բերդ համայնքի ավագանու նիստն էր, որին ընդառաջ դարձյալ կալանավորվել էր համայնքապետ Հարություն Մանուչարյանը, որը ընդամենը օրերս էր բաց թողնվել կալանքից։

Աղբյուրը՝ yerevan.today