Կորեայի Ժողովրդադեմոկրատական Հանրապետության (ԿԺԴՀ) առաջնորդ Կիմ Չեն Ինն առաջին անգամ հանրությանը ներկայացրել է իր դստերը՝ Կիմ Ջու Էին։ Իրադարձությունը տեղի է ունեցել միջմայրցամաքային բալիստիկ հրթիռի արձակման ժամանակ։ Այս մասին հայտնում է Bloomberg-ը։

Ինքը՝ Կիմ Չեն Ինը, մոտ մեկ ամիսը հանրությանը չէր ուրախացրել իր ներկայությամբ։ ԿԺԴՀ–ի առաջնորդի և նրա դստեր լուսանկարները հրապարակվել են երկրի գլխավոր թերթում՝ Rodong Sinmun-ում։ Լուսանկարներից մեկը (երբ հայր ու դուստր քայլում են բալիստիկ հրթիռի առջևից) արվել է մինչև բալիստիկ հրթիռի արձակումը։

Bloomberg–ը կարծում է, որ «Սառը պատերազմի» ընթացքում Կիմ Ջու Էի հայտնվելը պետական լրատվամիջոցներում ակնարկում է ընտանեկան դինաստիայի անխափան իրավահաջորդության պլանների մասին: Միևնույն ժամանակ`Կորեայի կենտրոնական լրատվական գործակալությունը նշում է, որ Կիմնուսումնավարժարան է ներկայացել «իր սիրելի դստեր և կնոջ հետ», որպեսզի «անձամբ վերահսկի հրթիռի արձակման ողջ ընթացքը»։

Հավելենք, որ Hwaseong-17 միջմայրցամաքային բալիստիկ հրթիռն արձակվել է նոյեմբերի 18-ին։ Փհենյանի միջազգային օդանավակայանում գործարկված միջմայրցամաքային բալիստիկ հրթիռի նոր տեսակը թռել է 4135 վայրկյան, թռիչքի հեռահարությունը հասել է 998 կիլոմետրի, իսկ առավելագույն բարձրությունը՝ 6040,9 մետր։

Աղբյուրը՝ armeniasputnik.am