Ամանորի գիշերվա հագուստի գույնի ընտրության հարցում մեզ կօգնի գալիք տարվա խորհրդանիշը՝ ջրային սև նապաստակը։ Ստորև կպատմենք, թե որ երանգները կարող են «բարիացնել» նապաստակին և Ձեզ հաջողություն կբերեն 2023 թվականին։

Սև

Վերջապես, դուք կարող եք համարձակ կերպով կրել սև գույնի հանդերձանք և միևնույն ժամանակ Ամանորի գիշերը հնարավորինս համապատասխան տեսք ունենալ։ Նման հնարավորություն շատ հազվադեպ է լինում. սովորաբար սևն այս գիշեր արգելվածների ցանկում է: Սակայն սև նապաստակի մորթյա վերարկուի շնորհիվ նորաձևության սիրահարներին թույլատրվել է կրել այս գույնի զգեստ կամ կոստյում։

Սև գույնը նրբագեղ, թանկ և ոճային տեսք ունի: Հոգեբանության տեսանկյունից այն վստահություն և ինքնատիրապետում է ավելացնում այն ​​կրող աղջկան։ Ուշադրություն դարձրեք այս սեզոնին նորաձևության շեշտադրումներին. համարձակորեն ընտրեք փետուրներով, փայլերով և ցանցով հանդերձանք:

Երկնագույն

Եթե ​​չգիտեք ինչով դիմավորել 2023 թվականը, ապա ուշադրություն դարձրեք երկնագույն իրերին։ Այս գույնը սիրում է գալիք տարվա խորհրդանիշը։ Չէ՞ որ այն Ջրային Ճագարն է։ Մետաքսից, թավշից և սինթետիկ նյութերից պատրաստված երկնագույն երեկոյան զգեստներն, անկասկած, գալիք տարում կգրավեն հաջողությանը։

Այս երանգի շնորհիվ դուք խաղաղություն և հանգստություն կհաղորդեք ձեր կյանքին, քանի որ Վագրի տարին իսկապես դժվար էր և հավասարակշռություն է պետք։

Կապույտ

Այս գույնը նույնպես խորհրդանշում է ջուրը և ուղեցույց է Սև Նապաստակի համար։ Այն ունի բազմաթիվ երանգներ, այնպես որ կարող եք հեշտությամբ ընտրել ճիշտ կապույտը, որը համապատասխանում է ձեր արտաքին տեսքին։

Շագանակագույն

Քանի որ նապաստակը անտառային կենդանի է, նա սիրում է բոլոր բնական գույներն ու դրանց երանգները։ Փայտի գույնն անպայման կգրավի գալիք տարվա խորհրդանիշի ուշադրությունը, որը բարեհաճ կգնվի ձեր հանդեպ։ Հագուստի շոկոլադե գեղեցիկ երանգը շատ աղջիկների է սազում` շագանակագույն աչքերով, կանաչ աչքերով և կապույտ աչքերով: Անպայման ավելացրեք արծաթագույն աքսեսուարներ, քանի որ նապաստակին դուր է գալիս նաև մետաղական փայլը։

Ի դեպ, պարտադիր չէ տոտալ լուք ընտրել և ոտքից գլուխ շագանակագույն հանդերձանք կրել։ Կարող եք ընտրել գունային համադրություններն այնպես, որ դրանք ներդաշնակ տեսք կունենան ձեր կերպարի հետ և միևնույն ժամանակ լինեն «Սև նապաստակի» սրտով։

Մոխրագույն

Սա ոչ տիպիկ գույն է տոնական հագուստի համար, բայց այն կարելի է մեկնաբանել որպես «մետալիկ» և «արծաթագույն»։ Շատ ավելի հեշտ կլինի Ամանորի համար իրեր ընտրելը: Մոխրագույնն ունիվերսալ է և լավ համադրվում է պաստելային ցանկացած երանգի հետ, այնպես որ դրանով կարող եք աներևակայելի նուրբ և աղջկական կերպար ստանալ:

Հետաքրքիր փաստ. արևելյան օրացույցի տարբեր մեկնաբանությունների պատճառով նապաստակի տարին կարելի է անվանել նաև Կատվի տարի: Իսկ նապաստակներն ու կատուներն, ինչպես գիտեք, հաճախ ունենում են մոխրագույն մորթի։

Աղբյուրը՝ style.news.am