Խոյեր

Մինչև ամառ Խոյն իր տրամադրության տակ ունի առատաձեռն Յուպիտեր մոլորակը, որը թույլ է տալիս ընդլայնել հորիզոնները։ Լավ ժամանակ է կրթություն ստանալու, ձեր հմտությունները բարելավելու, ձեր բնակելի տարածքը բարելավելու, ձեր երազանքների տան շինարարությունն ավարտելու համար: Եվ դեռ շանսեր կան իրականացնելու մանկության երևակայությունները։ Հնարավոր է, որ արդեն ժամանակն է գնել տակդիրներ և պատրաստվել ընտանիքի համալրմանը, հատկապես, եթե երկար ժամանակ եք երազել դրա մասին:

Ձեզ կսկսեն լսել հեղինակությունները, իսկ առատաձեռն հովանավորները կհամոզվեն, որ ձեր գաղափարներն արժանի են ներդրումների: Պարզապես շատ մի տարվեք բոլորին փրկելու ցանկությամբ, առաջին հերթին հոգ տարեք ձեր մասին:

Եթե ​​դուք ձեռքերը ծալած նստեք մինչև ամառ, ապա ընդլայնում ձեզ սպասվում է ֆիզիկապես, օրինակ, դուք ստիպված կլինեք պայքարել ավելորդ քաշի դեմ:

Արժե ուշադրություն դարձնել մարմնին՝ փորձեք սպորտային տուրիզմ կամ ջրային սպորտ: Այնուամենայնիվ, արգելված չէ տարվել նաև երաժշտությամբ։

Ցլեր

Եթե ​​նախկինում հաճախ էիք փոխում աշխատանքը, ապա այժմ իրավիճակն, ամենայն հավանականությամբ, կկայունանա։ Դա անելու համար անհրաժեշտ է տիրապետել նոր գիտելիքների և գործիքների. Հնարավոր է խոսքը կրթության կամ փաստաթղթերի ձեռքբերման մասին է։ Օրինակ՝ կացության թույլտվության։ Դուք կարող եք դա անել ամռանը:

Շանսեր կան ծանոթանալու նոր զուգընկերոջ, օգնականների, ընկերների հետ, որոնց հետ ամուր հարաբերություններ կզարգանան։ Բայց նաև ցանկալի է «քամուն չտալ» հին ընկերներին։

Ապրիլից հուլիս ընկած ժամանակահատվածում ռիսկերն ավելանում են, անհրաժեշտ է հատուկ զգոնություն էլեկտրաէներգիայի և գազի օգտագործման առումով։ Գումար մի խնայեք վերանորոգման և սարքավորումների արդիականացման համար:

Ամռանը կենսապայմանները բարելավելու հնարավորություն կստեղծվի, իսկ ընտանիքում հնարավոր է համալրում լինի։ Բացի այդ, առիթներ կլինեն չմտածված գումար վատնելու, քնի ու ուտելու խանգարումների։ Վերահսկի՛ր ինքդ քեզ։ Մինչև տարեվերջ հանգստի կարիք կունենաք՝ թույլ տվեք հանգստանալ։

Երկվորյակներ

2023 թվականի հորոսկոպը խորհուրդ է տալիս լիարժեք վայելել կյանքը։ Ամեն ինչ արեք, որ ձեր վաղեմի ցանկություններն իրականություն դառնան։ Բայց դա չի խանգարում մտածել հիմնական ու երկարաժամկետ ինչ-որ բանի մասին։ Կազմեք ծրագրեր, նոր, օգտակար սովորություններ ձեռք բերեք, գտեք ձեր սեփական մոտեցումը սննդի հարցում:

Եթե ​​նախկինում երբեմն անազնիվ եք գործել և շարունակում եք նույն ոգով, ապա պատրաստվեք բումերանգների տարափի։

Օտարերկրացիների հետ հաճելի, օգտակար ծանոթություններ են սպասվում։ Շքեղ ճամփորդություն կազմակերպելու կամ նույնիսկ մեկնելու այլ երկրում ապրելու շանսեր կան։

Դատական ​​վեճերը, բաժանումները և աշխատանքից ազատումները տեղի են ունենում արագ և հեշտ, իսկ խոստումնալից նոր ծանոթություններն արդեն հորիզոնում են: Այնուամենայնիվ, կան անբարեխիղճ ուսուցիչների, գործատուների հետ հանդիպելու ռիսկեր, որոնք կցանկանան ձեզ օգտագործել իրենց անձնական շահի համար: Եթե զգաք նման իրավիճակ, ապա հեռացեք անգլիական ձևով։

Խեցգետիններ

Մինչև հունիս ձեր ցանկությունները կիրականանան մեկ շարժումով։ Փողը հեշտությամբ կգա, պարզապես պետք է լինել խելացի կամ ճարպիկ, ձեր արտաքին տվյալները նույնպես կարող են աշխատել: Հավանաբար, ձեզ անհրաժեշտ կլինի գնալ ճամփորդության կամ գործուղման։ Բայց զգույշ եղեք՝ տարօրինակ մարդկանց եք գրավում դեպի ձեզ։

Գովազդը սովորականից ավելի է հիպնոսացնում ձեզ, աշխատեք չզիջել, այլապես ռիսկի եք դիմում ծախսել այն ամենը, ինչ վաստակում եք: Մեդիտացիան կամ այլ հոգևոր պրակտիկաները կգան օգնության, մտածեք հոգեբանի, ոճաբանի կամ սննդաբանի կրթություն ստանալու մասին:

Տարին հաջող կլինի նշանադրությունների և ամուսնությունների համար։ Ինչ վերաբերում է բաժանմանը, ապա ավելի լավ է չշտապեք:

2023 թվականը լավ տարի է նաև հղիանալու համար։ Բայց եթե պլանավորում եք երեխա ունենալ, ապա ավելի լավ է հասցնեք մինչև օգոստոս։

Չեն բացառվում կանանց հետ կոնֆլիկտները. սովորեք լինել ճկուն, եթե չեք ուզում խզել հարաբերությունները, ստիպված կլինեք վերականգնել ընկերությունը։ Իսկ որպեսզի մինչև ամառ չգիրանաք, ապա աշխատեք ճիշտ սնվել, քանի որ դժվար կլինի կանոնավոր մարզվելը։

Առյուծներ

Ուշադիր եղեք ձեր առողջության հանդեպ, անմիջապես արձագանքեք օրգանիզմի ազդանշաններին։ Առյուծ կանայք հղիանալու բոլոր հնարավորություններն ունեն, այնուամենայնիվ, մինչև օգոստոս պետք է շատ զգույշ լինել։ Կարող են բարդություններ լինել։

Ընտանիքում ամպերը կարող են թանձրանալ. հնարավոր են ամուսնալուծություններ։ Իսկ միայնակ Առյուծներին սպասում են նոր ծանոթություններ ու առաջարկներ։ Ճիշտ է, ամեն նոր զուգընկեր չէ, որ հուսալի է։

Մի շտապեք փոխել աշխատանքը, եթե նոր վայրի հետ կապված վստահություն չունեք։ Ավելին, հին աշխատավայրում կարող են աշխատավարձի բարձրացում և կարիերայի աճ առաջարկել։ Այս առումով հստակություն կլինի հուլիսից ոչ շուտ: Կարևորը բոլոր առումներով բյուրեղյա մաքուր լինելն է։ Հակառակ դեպքում բոլոր մեղադրանքները ուղղված կլինեն ձեզ։

2023 թվականի աստղագուշակը կանխատեսում է շփման շրջանակի և գործունեության դաշտի փոփոխություն։ Լավ են ստացվում վաճառքը և միջնորդությունը, տեղեկատվությունը, առաքումը։ Բարելավեք լեզուների իմացությունը։ Եթե ​​երկար ժամանակ զբաղվել եք սպորտով, ապա նախատեսեք ապրիլ-հուլիս ամիսներին մասնակցել շոուների և մրցումների:

Կույսեր

Այսուհետ, ավաղ, ստիպված կլինեք վճարել ձեր ցանկությունների կատարման և ծրագրերի իրականացման համար։ Փորձեք անել առանց վարկերի և պարտքերի։ Դրանք կարող են շատ արագ աճել: Ավելի լավ է չափավորել ախորժակները, սովորեք սահմանափակել ինքներդ ձեզ, այդ դեպքում արդյունքները երկար սպասել չեն տա։

Իսկ հիմա հաճելիի մասին: Աշխատանքի հետ կապված շատ ճանապարհորդություններ կլինեն, սեփական ուժերն ընդլայնելու հնարավորություններ կառաջանան։ Ամենակարևորը` շատ բան մի վերցրեք ձեր վրա և հիշեք, որ պետք է կատարեք ձեր խոստումները:

Եթե ​​ցանկանում եք միանգամից և ամեն ինչ գրավել, ապա պետք է սովորեք պատվիրակել, ինչպես նաև մտածեք վստահելի մարդկանց և ընկերությունների հետ համագործակցելու ու միավորվելու մասին: Զգույշ եղեք՝ անբարեխիղճ գործընկերները կարող են օգտագործել ձեզ՝ ներկայանալով որպես զոհ:

Տարեվերջին կարող են օրենքի հետ կապված խնդիրներ առաջանալ՝ տուգանքներ, հարկային ստուգումներ և այլն։ Փորձեք պահպանել ճիշտ հաշվապահություն և ձեռքի տակ պահեք բոլոր կարևոր փաստաթղթերը:

Անձնական կյանքում ամեն ինչ չէ, որ հարթ է ընթանում՝ տարեվերջին ինչ-որ պատրանքով գայթակղվելու, նախկին հարաբերությունները խզելու վտանգներ կան։ Թույլ մի տվեք, որ ինքնաբուխ զգացմունքները տիրեն ուղեղը: Նաև ուշադիր եղեք ձեր ընտանի կենդանիների նկատմամբ:

Կշեռքներ

Տարվա սկզբից մինչև հունիս ամսի հաջողությունը ձեր կողմից կլինի․ անմոռանալի ճամփորդություններ, խոշոր ձեռքբերումներ, հիանալի գործարքներ և ամեն տեսակ բարիքներ Ֆորտունայից: Կարևոր է չվատնել արդյունքները՝ խնայեք ապագայի համար: Ինքնասիրությունը չպետք է սահմանափակվի։ Բայց խուսափեք ագահությունից, որը հանգեցնում է չմտածված ռիսկերի։ 2023 թվականը իդեալական տարի է ֆինանսական գրագիտության ուսուցման և ներդրումներ ներգրավելու համար։

Մոտեցում գտեք ուսուցիչների և հովանավորների հանդեպ․ ապագայում նրանք կօգնեն ձեր առաջընթացին: Ուշադիր եղեք զանազան մրցույթներին. միգուցե պետք է գնալ քասթինգի կամ ստեղծագործական աշխատանքի արդյունքն ուղարկել փորձագետներին: Ֆուրոր անելու մեծ շանսեր կան։

Սպասվում են բաժանումներ կամ կոնֆլիկտներ անհագ կանանց հետ։ Չարժե տխրել․ արդյունքում նրանք կկորցնեն, ոչ թե դուք: Վեճի դեպքում ամենահուսալի լուծումը կլինի մի կողմ քաշվելը: Դատավարությունն ու ամուսնալուծությունը մինչև ամառ շատ արագ լլուծվեն, ինչպես նաև բնակավայրից հեռու տեղափոխությունները։

Բայց սիրային գործերում խառնաշփոթ է։ Ավելի լավ է չշտապել հարաբերությունները օրինականացնելու հարցում։ Ի սկզբանե հաշվարկով կնքված ամուսնության մեջ կարող է սեր ծնվել։

Եվ ևս մեկ խորհուրդ՝ շատ մի՛ կերեք և աշխատեք խուսափել կախվածություններից։ Քանի որ այս տարի ձեզ համար շատ դժվար է կառավարել ինքներդ ձեզ, խնդրեք ձեր սիրելիներին կանգնեցնել ձեզ։

Կարիճներ

1-ին կիսամյակը կանցնի ընտանեկան, կենցաղային, աշխատանքային խնդիրների լուծման հովանու ներքո։ Գումար մի խնայեք անշարժ գույքի, վերանորոգման, հանգստի, առողջության և սիրելիներին նվերներ գնելու համար, եթե չեք ցանկանում լսել ժլատության մեղադրանքներ։ Ընտանիքի որոշ անդամներ կարող են առանձնանալ իրենց կյանքի հանդեպ անփույթ վերաբերմունքով: Վերահսկեք Ձեր սիրելիներին։

Արդեն ամռանը 2023 թվականի հորոսկոպը Կարիճներին փոփոխություններ է խոստանում ինչպես ֆինանսական, այնպես էլ անձնական կյանքում։ Տղամարդկանց, ովքեր պարտք են խնդրում կամ առաջարկում գործընկերություն, պետք չէ շատ վստահել. ապրիլ-հուլիս ընկած ժամանակահատվածը բարենպաստ կլինի, բայց հետո նրանց հուսալիությունը մեծ հարց է։ Այսինքն՝ որոշակի ժամանակահատվածում կարճ համատեղ նախագիծը կարող է ձեզ շահույթ բերել, նոր փորձառություններ կամ նոր բան սովորելու հնարավորություն։

Աղեղնավորներ

Տարվա սկիզբը խոստանում է երկար ճանապարհորդություններ և գործուղումներ։ 2023 թվականին ցանկացած բյուրոկրատական ​​խնդիր հեշտությամբ կլուծվի, եթե չխաղաք օրենքի հետ։

Գարնանը աշխատանքում փոփոխություններ կլինեն։ Հավանաբար, ձեր լիազորությունների առյուծի բաժինը կտրվի մեկ ուրիշին, այնպես որ դուք պետք է նոր բան փնտրեք։ Իսկ ավելի լավ է մտածել սեփական թիմ ստեղծելու մասին։ Եթե ​​արդեն երկար ժամանակ եք աշխատում ձեզ վրա, ապա ընդլայնվելու և որոշ հանձնարարություններ տալու ժամանակն է։ Հիմնական բանը թեկնածուներին զգույշ ընտրելն ու հսկողություն կազմակերպելն է։ Հավանական է խարդախություններ լինեն:

Ապրիլ-հուլիս ամիսները երկրորդական գործերը մի կողմ թողնելու և հին երազանքն իրականացնելու ժամանակն է։ Կարևորը իրավիճակի վերահսկողությունն է։ Արեք այնպես, ինչպես հարմար եք գտնում:

Եթե ​​կրթություն եք ստանում, մի հետաձգեք գործընթացը, բայց մի շտապեք գրանցվել նոր դասընթացների։ Շատ մի վստահեք ձեր կուռքերին, դուք ինքներդ լավ ուսուցիչ եք:

Այծեղջյուրներ

Այծեղջյուր կանայք ապրիլ-հուլիս ամիսներին կարող են պարզել, թե ինչպիսին է ապրելն առանց շտապելու, ստանձնելու տղամարդկային դերերն ու պարտականությունները: Հնարավոր է դա պայմանավորված կլինի նրանով, որ ձեր զուգընկերոջ գործերը լավ կլինեն, բայց հնարավոր է, որ առողջական խնդիրները շեղեն ձեր սովորական վիճակից: Ինչ էլ որ լինի, աշխատեք հնարավորինս շատ հանգստանալ։

Մինչև ամառ եկամտի նոր մշտական ​​աղբյուր ստանալու հնարավորություն կա։ Փող կլինի, եթե խոստացվածը երկու մասի բաժանվի։ Չարժե բաժանվել ձեր նախկին աշխատանքից. խաբված սպասումների ռիսկերը մեծ են, և գործատուներն ու հաճախորդներն իրենք չեն վազի ձեր հետևից:

Նոր հարաբերություններ ու կապեր կարող են հաստատվել, եթե ինքներդ նախաձեռնող լինեք։ Բայց հորիզոնում կհայտնվեն հին ընկերները:

Ջրհոսներ

Անցյալն անսպասելիորեն կթակի ձեր դուռը, սակայն պետք չէ շատ ոգևորվել։ Հնարավոր է, որ պատրանքները վերածվեն հիասթափությունների։ Ավելի լավ է ժամանակ հատկացնեք ձեր գործունեության նոր կողմերը յուրացնելուն, նույնիսկ եթե թվում է, թե վարպետ եք։ Մինչև ամառ լավ ուսուցիչ կգտնվի, ով կօգնի ձեզ նորից սիրահարվել ձեր աշխատանքին, կնպաստի ձեր մասնագիտական ​​և հոգևևոր աճին: Հնարավորություն կլինի նաև համագործակցել զիլ հեղինակությունների հետ կամ ներգրավել հովանավորների:

Ջրհոսները 2023 թվականին սպասում են արտասովոր ճանապարհորդությունների և նոր հետաքրքրությունների: Արվեստըը կարող է նշանակալի արդյունքների բերել։ Բայց ավելի լավ է հետաձգել սերունդ ունենալու փորձերը։ Բայց գարնանն ու ամռանը բնակելի տարածքի ընդլայնումը և վերանորոգումը շատ լավ գաղափար է։ Ամեն դեպքում, ամբողջ տարվա ընթացքում ընտանեկան ու կենցաղային հարցերը պահանջում են ձեր վերահսկողությունը։

Ձկներ

2023 թվականին ձեզ սպասվում է բախում կարմայի հետ. նրանք, ովքեր լավ են աշխատել և չեն խախտել օրենքները, բարձրանալու մեծ հնարավորություն կունենան, կօգնեն ուրիշներին գտնել իրենց տեղը կյանքում: Ձեր հետագա կյանքը կախված կլինի նրանից, թե որքան արդարացի է մարդը տնօրինում այդ իշխանությունը:

Իսկ այն Ձկներին, ովքեր խորամանկորեն շրջանցել են օրենքները, սպասվում է հատուցում։ Օրինակ՝ առողջական խնդիրներ կամ ֆինանսական դժվարություններ: Ստիպված կլինեք սահմանափակել ձեզ շատ առումներով ու շատ կտրուկ մեծանալ։ Բայց մինչև մարտի վերջ դուք դեռ ժամանակ ունեք կատարելագործվելու և խելք հավաքելու։

Աղբյուրը` style.news.am