- Առաջինը հայտնի քաղաքական գործիչ Սոնդերսն է պաղեստինաիսրայելյան հակամարտության համար  տվել «ճանապարհային քարտեզ» տերմինն ու մոտեցումները։ «Ճանապարհային քարտեզ» ասելով, ես  միշտ նկատի ունեմ, այդ պաղեստինաիսրայելական արյունոտ կոնֆլիկտը,-ասել է «Ժառանգություն» խմբակցության պատգամավոր Լարիսա Ալավերդյանը և հավելել, որ ի տարբերություն այն երկու երեք նախադասության, որով հանդես են եկել Հայաստանի և Թուրքիայի նախարարությունները, «Ճանապարհային քարտեզը» մի փաթեթ էր, որտեղ հստակեցվում են սկզբունքներ, մոտեցումներ։

-Հայտարարության մեջ նշված է, որ մենք համաձայնեցրել ենք շրջանակներն ու սկզբունքները, որով պետք է հարաբերություններ հաստատենք։ Մեր իշխանությունների ոչ ունակ լինելը օգտագործվում է Թուրքիայի կողմից։ Դա նման է նրան, որ մի գազար են կախում փայտի ծայրից և պահում ավանակի մռութի մոտ և ավանակը այսպես, գազարին նայելով, գնում է՝ չիմնալավ, թե ու՞ր է գնում,- նշել է նա և հավելել, որ այդ համաձայնագիրը գաղտնի է պահվում միայն Հայաստանում

–Թե՛ Ադրբեջանը, թե՛ Թուրքիան շատ ազատ ինֆոմացիա են տալիս իրենց հասարակությանը,– ասել է Լարիսա Ալավերդյանը։