Հանրահայտ իտալացի դերասանուհի Սոֆի Լորենը պատմել է իր զգացողությունների մասին՝ կապված մեկ այլ հանրահայտ իտալացի կինոդերասանուհի Ջինա Լոլոբրիջիդայի մահվան հետ։ Այս մասին գրում է Deadline հրատարակությունը։

Լորենի խոսքով՝ ինքը «ցնցված է և խորապես վշտացած» դերասանուհու մահվան լուրից։

Հիշեցնենք, որ Լորենն ու Լոլոբրիջիդան իտալական հետպատերազմյան կինոյում երկար ժամանակ համարվում էին մրցակիցներ՝ նրանք ոճային առումով իրեր շատ նման էին, այդ իսկ պատճառով դերասանուհիները հաճախ հավակնում էին նույն դերերին։

Նշենք, որ 2015 թվականին Ջինա Լոլոբրիջիդան Vanity Fair-ին տված հարցազրույցում խոստովանել էր, որ իրեն երբեք չի գրավել Լորենի հետ մրցակցությունը, և որ դերասանուհիների միջև մրցակցության առասպելը պատկանում է Սոֆիա Լորենին:

Երկուշաբթի՝ հունվարի 16-ին, 95 տարեկանում կյանքից հեռացել է դերասանուհի Ջինա Լոլոբրիջիդան

Աղբյուրը՝ tert.am