«Իրավունք» թերթը գրում է․ «Անդրադառնալով Գեղարքունիքի զորամասերից մեկում այրված 15 զինվորների ողբերգական դեպքի համար պատասխանատվություն կրողներին, մեզ հետ զրույցում Շիրակի թեմի առաջնորդ, Գերաշնորհ Տեր Միքայել արքեպիսկոպոս Աջապահյանը հետևյալը նշեց.

-Այս ողբերգության պատասխանատուները շատ ակնհայտ են՝ անփույթ, անպատասխանատու, անգրագետ, տգետ, ինքնահավան, ոչնչից գլուխ չհանող, բայց ամեն ինչի մասին խոսող անձնավորություններն են, որոնց գլխավորում է կառավարությունը:

Ես ո՞նց մխիթարեմ տղերքի ծնողներին, դե ասե՜ք: Միայն Աստված և Սուրբ հոգին կարող են իրենց մխիթարել, ես ի՞նչ ասեմ, ես ի՞նչ կարող եմ ասել... Սրանց հանցավոր անփութության պատճառով նորից հսկայական զոհեր ունեցանք, գիտեք՝ ինչ ահռելի թիվ է 15-ը. 15 ճրագ մարեց... Սա էլ հո նախկիննե՞րը չէին մեղավոր, Ձեր օրոք եք տեղակայել կոնկրետ վայրում անդուռ, անլուսամուտ շինության մեջ զինվորներին»: