Տեղեկատվական շտաբը հայտնում է պետպահուստից շուկա հանված բրնձի խնդիրների մասին և կոչ է անում վերադարձնել այն

● Լրահոս

22.01.2023 ● 18:45

Տեղեկատվական շտաբը հայտնում է պետպահուստից շուկա հանված բրնձի խնդիրների մասին և կոչ է անում վերադարձնել այն

Արցախի տեղեկատվական շտաբւը հայտնում է պահուստավոևված բրինձի օգտագործման ոչ պիտանի լինելու մասին։

Տարածված հայտարարությունում ասվում է․ «Հանրության կողմից ստացված բողոքների և ԱՀ Պետական եկամուտների, Պետական տեսչությունների կառավարման կոմիտեների և Հանրային ծառայությունները և տնտեսական մրցակցությունը կարգավորող պետական հանձնաժողովի կողմից իրականացված դիտարկումների արդյունքում պարզվել է, որ 2023 թվականի հունվարի 20-ից ԱՀ պետպահուստից առևտրային օբյեկտներին մատակարարված երեք տեսակ բրնձի մեկ տեսակը ունեցել է համային և հոտային խնդիրներ: Պետական տեսչությունների կառավարման կոմիտեի կողմից, երեկ երեկոյան պահեստներում առկա մնացորդը առանձնացվել է, կատարվել նմուշառում և ուղարկվել սննդամթերքի հետազոտությունների լաբորատորիա:

Բրնձի նշված տեսակի մատակարարումը խանութներին արգելվել է, իսկ արդեն մատակարարավածը հետ է կանչվել շուկայից այն փոխարինելու նպատակով:

Այն սպառողները, ովքեր արդեն նման խնդրի առկայությամբ բրինձ են ձեռք բերել, կարող են վերադարձնել համապատասխան խանութներ և հետ ստանալ կտրոններն ու գումարը, իսկ նույն կտրոնները օգտագործել որակյալ բրինձ ձեռք բերելու համար»: