15.11.2024 ● 13:11
15.11.2024 ● 13:08
15.11.2024 ● 12:31
15.11.2024 ● 11:58
15.11.2024 ● 11:01
15.11.2024 ● 10:04
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
Օզի Օսբորնը առողջական խնդիրների պատճառով չեղարկել է իր եվրոպական շրջագայությունը
Բրիտանացի ռոք երաժիշտ և Black Sabbath խմբի հիմնադիրներից Օզի Օսբորնը առողջական խնդիրների պատճառով չի կարողանա ելույթ ունենալ Եվրոպայում կայանալիք շրջագայության ժամանակ: Այս մասին երաժիշտը հայտնել Է Twitter-ի իր էջում։
«Ինչպես բոլորդ գիտեք, 4 տարի առաջ վնասել եմ մեջքս... Ձայնիս հետ ամեն ինչ կարգին է: Բայց երեք վիրահատություններից, ֆիզիոթերապիաներից հետո մարմինս դեռ թույլ է»,–գրել է Օսբորնը։
74-ամյա երաժիշտը նշել է, որ եկել է այն եզրակացության, որ ինքը ֆիզիկապես չի կարող մասնակցել Մեծ Բրիտանիայում և Եվրոպայի այլ երկրներում կայանալիք շրջագայությանը, քանի որ չի կարող ճանապարհորդել:
«Երբեք չէի կարող պատկերացնել, որ իմ հյուրախաղերի օրերն այսպես կավարտվեն։ Իմ թիմը ներկայում փորձում է մտածել, թե որտեղ ես կկարողանամ ելույթ ունենալ առանց քաղաքից քաղաք և երկրից երկիր տեղափոխվելու անհրաժեշտության»,–հավելել է երաժիշտը։
Նա նշել է, որ տոմսերի գումարը կարելի է հետ վերցնել այն տոմսարկղերից, որտեղից դրանք ձեռք են բերվել։
Աղբյուրը՝ armeniasputnik.am