Այսօր՝ փետրվարի 11-ին, հրդեհի դեպք է տեղի ունեցել Երևանում։ Ժամը 07։35-ի սահմաններում ՀՀ ներքին գործերի նախարարության Փրկարար Ծառայության 911 ճգնաժամային կառավարման կենտրոն ահազանգ է ստացվել, որ Արշակունյաց պողոտա թիվ 33 հասցեի մոտակայքում գտնվող շինհրապարակում վագոն-տնակ է այրվում։ Հաղորդում է shamshyan.com-ը

Պարեկները սահմանազատել են տարածքը, հրշեջներն էլ մարել են կրակը։

Ըստ նախնական տեղեկությունների՝ հրդեհի հետևանքով, բարեբախտաբար, տուժածներ չկան։

Աղբյուրի հաղորդմամբ՝ վագոն-տնակը պատկանում է «ԲԻՊԼԱՆ» ՍՊԸ-ին, այրվել են երեսապատման փայտե կառուցատարրերը՝ 9 քմ, և ջերմահարվել է գույքը մասամբ։