Նայում ես մեր Ազգային ժողովի եւ ՌԴ Դաշնային ժողովի միջեւ համագործակցության միջխորհրդարանական հանձնաժողովի հայկական կողմի իշխանական թևի կազմն ու... հասկանալի է ամեն ինչ։

Օրինակ, այնտեղ տեղ գտած հայտնի բիզնեսմեն֊պատգամավորները` Խաչատուր Սուքիասյանն ու Գուրգեն Արսենյանը, գնալու են ռուսներին ի՞նչ ասեն, ներկայացնեն, թե իրենց իշխանությունը ո՞նց է պատրաստվում ռուսներին երկու֊երեք տարվա մեջ Սահակաշվիլու օրինակով քշելու տարածաշրջանից։

Կամ ողջ կյանքը ընդամենը մի քանի ամիս Սփյուռքի էն դեղնակտուց նախարարի օգնական աշխատած Վաղարշակ Հակոբյանը Մոսկվայում ու՞մ ինչ է ի վիճակի ասելու, էլ չասեմ` ինչ֊որ խոշոր հարցեր լուծելու...

Թե՞ խորհրդարանական դիվանագիտության մեջ նախադեպը չունեցող խայտառակ հայտարարությամբ, այն է` բարեկամ և ռազմավարական դաշնակից Իրանին ավտորիտար երկիր համարած և ուրիշ ոչ մի բանով հայտնի Հայկ Կոնջորյանն է հարցեր լուծելու։

Նայում ես հանձնաժողովի նախագահին` Հակոբ Արշակյան, մյուս անդամին` Բաբկեն Թունյան, ինչպես իրենց թրքաբարո կոլեգան կասեր` ո՞վ եք դուք, արա, Ռուսաստանում, բացի ձեր մորաքրոջից, քեռու կամ հորեղբոր տղայից, ուրիշ ո՞վ է ձեզ ճանաչում։

Կամ էն ՀՀՇ֊ի օրոք բաժանած պաշտոններից մեծ֊մեծ բաժիններ ստացած Ժոկոյի աղջիկը` Ծովինար Վարդանյանը, գնալու Մոսկվա` ի՞նչ անի, ավագանու անդամ քրոջը զանգելու է, ասի` հլը խորհուրդ տուր` էստեղ ու՞մ ականջը ծամեմ։

Էլ ո՞ր մեկին ասես։ Վահե Ղալումյան, գոնե իջևանցի խոպանչիներից մի երկու բան հարցրե՞լ ես Ռուսաստանի մասին, չէ, ասֆալտի ցեխերի կամ ցեմենտավոզների մասին չէ, ասենք` Կրեմլի մասին, Դաշնային ժողովի մասին...

Արուսյակ Ջուլյակյան, ողջ կյանքը Արևմուտքի հակառուսական որջերի մեջ թրծված մեկը, գնալու է ռուսներին ասի, թե ոնց է իրենց մահը երազող ՀԿ֊ներում ու երկրներում կյանք մաշե՞լ։

Աչքովս ընկան նաև մեկ երկու աղջիկ ու տղա, որոնց եթե Մոսկվայում մենակ թողնես` լացելու են ու զանգեն մամաներին։

Ահա քեզ խորհրդարանական դիվանագիտություն, ահա քեզ հսկա Ռուսաստանի հետ աշխատող իշխանական կազմ...

Ինձ թվում է` հենց այս կազմը ներկայացվել է ռուսական կողմին, նայել են, զննել` ով ով է, շպրտել են զուգարան ու ջուրը քաշել...

Հ.Գ. Ի տարբերություն սրանց` հանձնաժողովի ընդդիմադիր մի քանի անունները պատիվ են բերում յուրաքանչյուր երկրի ու խորհրդարանի։

Վահե Սարգսյանի ֆեյսբուքյան էջից