Ադրբեջանցի «էկոակտիվիստների» գործողությունը Լաչինի միջանցքում պայմանավորված է «հայկական կողմի՝ տվյալ ճանապարհի օգտագործման կանոնների կոպիտ խախտման հետ»։

Բաքվում ՌԴ ԱԳ նախարար Սերգեյ Լավրովի հետ մամուլի ասուլիսի ժամանակ հայտարարել է Ադրբեջանի արտգործնախարար Ջեյհուն Բայրամովը։

Նրա խոսքով, «Հայաստանը փորձում է ողջ պատասխանատվությունը բարդել Ռուսաստանի և Ադրբեջանի վրա և մոլորության մեջ գցել միջազգային հանրությանը` հրաժարվելով կառուցողական երկխոսությունից»:

«Ադրբեջանն առաջին իսկ օրերից հայտարարել է, որ ամեն ինչ անելու է Ղարաբաղում բնակվող հայ բնակչության համար մարդասիրական հետեւանքները կանխելու համար։ Չնայած դժվարություններին, մենք հավատարիմ ենք մնում խաղաղ դիրքորոշմանը»,-ասել է նա:

Աղբյուրը՝ hraparak.am