Եգիպտոսում հնագետները Հելիոպոլիսի արևի տաճարում հին կառավարիչների կոտրված արձաններ են հայտնաբերել․ հնագիտական ​​վայրը ժամանակին ներկայիս Կահիրեի մերձակայքում գտնվող խոշոր քաղաք էր:

Քարի վրա փորագրված բեկորները ներառում են Ռամզես II-ի (մ.թ.ա. մոտ 1279 - մ.թ.ա. 1213), Ռամզես IX-ի (մ.թ.ա. մոտ 1126 - 1108 թթ.) և Հորեմհեբի (մ.թ.ա. մ. Հայտարարությունը։

Արևային տաճարներ հայտնաբերվել են Եգիպտոսի մի շարք վայրերում և նվիրված են հին եգիպտական ​​արևի աստված Ռային, սակայն Հելիոպոլիսի արևային տաճարը առանձնահատուկ նշանակություն է ունեցել: (Հելիոպոլիսը հունարեն անունն է, եգիպտականը Ջունու է եղել):

Հին եգիպտական ​​հավատքի համաձայն՝ Հելիոպոլիսն այն վայրն է, որտեղ «աշխարհը ստեղծվել է առաջին արևածագով»,-ասել է Գերմանական հնագիտական ​​ինստիտուտի Կահիրեի մասնաճյուղի տնօրեն Դիտրիխ Ռաուն։

«Այստեղ նշվում էր թագավորական կապը Արևի ստեղծողի և աստծու հետ»,-ասել է Ռաուն՝ նշելով, որ փարավոնները Հելիոպոլիսում կառուցել են արձաններ, օբելիսկներ և այլ կառույցներ՝ իրենց իշխանությունը օրինականացնելու և արևի Աստծուն հարգելու համար։

«Աստվածներին ծառայելը հին եգիպտական ​​թագավորների հիմնական պարտականություններից էր, և արձանների նվիրումը դրա մի մասն է»,-բացատրել է Ռաուն․ «Եգիպտոսի ոչ մի կառավարիչ չպետք է պաշտոն զբաղեցնի առանց արևի աստծո օրհնության»:

Աղբյուրը՝ news.am