Վաշինգտոն նահանգի ոստիկանությունը պնդում է, որ խորամանկ կողոպտիչները հարյուր հազարավոր դոլարների Apple ապրանքներով հեռացել են առևտրի կենտրոնից՝ անցք բացելով հարևան խանութի պատի մեջ և ներս մտնելով:

Լինվուդի ոստիկանության բաժանմունքը հայտնել է, որ գողերը Alderwood Mall-ում գողացել են Apple Store-ի ավելի քան 400 ապրանք այն բանից հետո, երբ նրանք անցք են բացել մոտակա մեքենաների խանութի զուգարանի պատի մեջ, հայտնում է KOMO News-ը:

Միջադեպը տեղի է ունեցել կիրակի տեղական ժամանակով ժամը 19:00-ի սահմաններում, երբ առևտրի կենտրոնը փակվել էր:

Խանութպանն ասել է, որ խանութի գործունեության 5 տարիների ընթացքում նման բան չի տեսել:

Apple Store-ի աշխատակիցներն այդ մասին իմացել են հաջորդ աշխատանքային օրը։

«Ընդհանուր առմամբ գողացել են մոտ 436 iPhone»,-Fox News Digital-ին հայտնել է Լինվուդի ոստիկանական բաժանմունքի հաղորդակցության մենեջեր Մարեն Մքքեյը: Ընդհանուր առմամբ, գողացել են մոտ 500 000 դոլար արժողությամբ ապրանքներ՝ iPhone, iPad, Apple-ի ժամացույց։

Աղբյուրը՝ news.am