Երեւանի Նորքի թաղամասում անցած երեկոյան ավտոմեքենա է այրվել, կան տուժածներ։ Այս մասին տեղեկացնում է ՆԳՆ փրկարար ծառայությունից։

«Ապրիլի 8-ին, ժամը 22:24-ին Ճգնաժամային կառավարման ազգային կենտրոն ահազանգ է ստացվել, որ Երեւանի Նորքի 8-րդ փողոցի տներից մեկի մոտակայքում այրվում է ավտոմեքենա: Դեպքի վայր է մեկնել ՆԳՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Մինչ փրկարարների կանչի վայր հասնելը՝ ավտոմեքենայի ուղեւոր Ա. Մ.-ն (ծնված 1996 թ․) տեղափոխվել է «Հերացի» թիվ 1 հիվանդանոցային համալիր, այնուհետեւ՝ «Այրվածքաբանության ազգային կենտրոն» ՓԲԸ։

Ավտոմեքենայի վարորդ Կ. Դ.-ն (ծնված 1986 թ․) նույնպես հոսպիտալացվել է «Այրվածքաբանության ազգային կենտրոն» ՓԲԸ։ Տուժածների առողջական վիճակը գնահատվել է միջին ծանրության։

Հրդեհը մեկուսացվել է ժամը 22:38-ին, մարվել՝ 22:54-ին: Այրվել է «Mercedes-Benz G-Class» մակնիշի ավտոմեքենայի սրահը»,-նշված է հաղորդագրության մեջ։