Սոցցանցերի օգտատերերը գերագնահատում են մեկնաբանողների կամ գրառումների հեղինակների վրդովմունքի աստիճանը։ Համենայն դեպս, երբ խոսքը վերաբերում է քաղաքական թեմաներին։ Այս եզրակացության են հանգել ԱՄՆ-ի Հյուսիսարևմտյան համալսարանի գիտնականները, հայտնում է Knife-ը։

Նեյրոնային ցանցերի միջոցով նրանք գտել են ամերիկյան քաղաքականության մասին գրառումներ։ Այնուհետև հրապարակումից հետո 15 րոպեի ընթացքում հեղինակների հետ կապ են հաստատել և խնդրել նկարագրել իրենց հուզական վիճակը:

Դրանից հետո գրառումները ցույց են տվել 650 կամավորների։ Նրանք պետք է գնահատեին գրողի տրամադրությունը։ Պարզվել է՝ մարդիկ ավելի ճիշտ են հասկանում ուրախության, քան վրդովմունքի աստիճանը։ Բացասական տեքստը նրանց ավելի զգացմունքային է թվացել, քան հեղինակներին։

Աղբյուրը՝ news.am