Ռուս երգիչ Ֆիլիպ Կիրկորովը մեծացրել է հետույքը: StarHit-ը տեսանյութ է հրապարակել, որը նկարահանվել է Սանկտ Պետերբուրգում կայացած արտիստի ելույթից, որտեղ նա պարում է կիպ հագուստով՝ ցուցադրելով վիրահատական ​​միջամտության արդյունքը։

Կիրկորովը պարում է սև կոմբինեզոնով, որն ընդգծում է նրա բարեմասնությունները։ Սոցցանցերում երկրպագուները կատակել են, որ Կիրկորովը կրկնօրինակում է Քիմ Քարդաշյանին, ինչպես նաև նախատել են նրան ներդիրներ օգտագործելու համար։

Ենթադրվում է, որ Կիրկորովի հետույքը կարելի էր մեծացնել լիպոֆիլինգի միջոցով, որի ընթացքում բացակայող մարմնի ծավալները լրացվում են սեփական ճարպով։ Նախկինում Կիրկորովը ստամոքսի և դեմքի մի քանի պլաստիկ վիրահատությունների էր ենթարկվել։ Աստղի վիրաբույժ Թիմուր Խայդարովը ողնաշարի շտկում է արել և հատուկ ապարատի միջոցով պրես է ստեղծել, գրում է Gazeta.ru-ն։

Խայդարովն ասել է, որ մարդիկ «կցնցվեն» երգչի նոր պլաստիկայից։ Նա խոսել է նաև Կիրկորովի «ֆենոմենալ ապաքինման» մասին։ Բժիշկը կարծում է, որ կատարողն ունի անիրատեսական կամքի ուժ, լավ առողջություն և գերազանց գենետիկա: