ՈւԵՖԱ-ն արտակարգ պլաններ ունի, եթե Թուրքիայում համապետական ընտրություններով պայմանավորված որևէ անհանգստություն առաջանա և ֆուտբոլի Չեմպիոնների լիգայի եզրափակիչը կրկին Ստամբուլից տեղափոխելու պատճառ լինի: Այս մասին գրել է Independent-ը:

Նշվում է, որ Թուրքիայում մայիսի 14-ին կայանալու են համապետական ընտրություններ ու դրանց արդյունքները կարող են քաոսային իրավիճակ ստեղծել երկրում, որն էլ կարող է վտանգի տակ դնել եզրափակիչ մրցապայքարի անցկացումը:

ՈւԵՖԱ-ն դեռևս չի մեկնաբանել բրիտանական պարբերականի հրապարակումը: ՉԼ նախորդ եզրափակիչների անցկացման վայրերն արդեն երկու անգամ տեղափոխվել են Ստամբուլից. Covid-ի պատճառով 2020-ին՝ Լիսաբոն, իսկ 2021-ին՝ Պորտու:

«Ընտրությունները տեղի կունենան մայիսի 14-ին՝ հունիսի 10-ին կայանալիք խաղից մեկ ամիս առաջ, երբ տապալված է Ռեջեփ Թայիփ Էրդողանի ավտոկրատ նախագահական իշխանությունը։ Դա հանգեցրել է փակ ընտրությունների հավանականությանը, որը, ինչպես քաղաքագետները զգուշացրել են, կարող է անհանգստություն առաջացնել կողմերից յուրաքանչյուրում»,-գրել է բրիտանական պարբերականը:

Աղբյուրը՝ tert.am