Եռակողմ հայտարարության երկու կողմերը (Երևանն ու Բաքուն) դե ֆակտո հետ են վերցրել իրենց ստորագրությունները նոյեմբերի 9-ի փաստաթղթից

● Կարծիք

24.04.2023 ● 15:41

Եռակողմ հայտարարության երկու կողմերը (Երևանն ու Բաքուն) դե ֆակտո հետ են վերցրել իրենց ստորագրությունները նոյեմբերի 9-ի փաստաթղթից

Այն, ինչ կատարվում է Լաչինի միջանցքում, ուղղակի հետևանք է այն բանի, որ 2020 թվականի նոյեմբերի 9-ի հայտարարությունն այլևս գոյություն չունի։ Փաշինյանն ու Ալիևը 2022 թվականի հոկտեմբերին Պրահայում ԵՄ-ի և Ֆրանսիայի միջնորդությամբ «խմբագրել» են հայտարարությունը. Փաշինյանը ճանաչել է Բաքվի ինքնիշխանությունը Արցախի նկատմամբ, հետևաբար նաև Լաչինի միջանցքի նկատմամբ, իսկ Ալիևը փակել է միջանցքը։

Եռակողմ հայտարարության երկու կողմերը (Երևանն ու Բաքուն) դե ֆակտո հետ են վերցրել իրենց ստորագրությունները նոյեմբերի 9-ի փաստաթղթից, և Արայիկ Հարությունյանը չի կարող դա չիմանալ / չհասկանալ։

Այսօր Լաչինի միջանցքում Ադրբեջանի կանոնավոր բանակի ստորաբաժանումներ չկան միայն ՄԵԿ պատճառով՝ Պրահայի համաձայնությունը ԴԵՌ ստորագրված չէ, սակայն, հաշվի առնելով մայիսին սպասվող Հայաստան-ԱՄՆ-Ադրբեջան ձևաչափով վաշինգտոնյան հանդիպումը, կարելի է ենթադրել, որ այդ «հարցը շուտով կլուծվի»։

Նիկոլ Փաշինյանն իր ձեռքով ոչնչացրել է նոյեմբերի 9-ի հայտարարությունը, իսկ Արցախի ժողովրդին դատապարտել.... Մեր ԱԳՆ-ն կոչ է անում Ռուսաստանի Դաշնությանը ապահովել նոյեմբերի 9-ի համաձայնագրի կետերի կատարումը, ԲԱՅՑ առաջին հերթին պետք է ՄԵՐ ժողովրդին անկեղծորեն ասի, որ Նիկոլ Փաշինյանն ինքը դուրս է եկել այս համաձայնագրից։

Սակայն փաստն այն է, որ նույնիսկ Արցախի հանձնումը Հայաստանին չի երաշխավորում տարածքային ամբողջականության և ինքնիշխանության պահպանումը, ինչի մասին Փաշինյանը բազմիցս խոսել է հենց այս տարի (2 ասուլիս, շփում Գերմանիայի հայ համայնքի հետ, հաշվետվություն ԱԺ-ին)...

Կրկին պետք է ասվի, որ քանի պաշտոնական Երևանը չի փոխել իր մոտեցումները Արցախի սուբյեկտայնության վերաբերյալ իրավիճակն այսպիսին է լինելու։ Իսկ քանի որ Փաշինյանը միանշանակ չի վերանայի իր մոտեցումները այս հարցում, ուստի պետք է վերանայվի իր պաշտոնավարման հնարավորությունը վարչապետի պաշտոնում։

Ես դեռ չեմ կարողանում ընտելանալ այն մտքին, որ Հայոց ցեղասպանությունից 108 տարի անց՝ Հայոց ցեղասպանության զոհերի հիշատակի օրը պետք է նման բաների մասին խոսեմ... Ցեղասպանությունը չի կարող լինել մեր ազգային ընտրությունը։

Բենիամին Մաթևոսյանի ֆեյսբուքյան էջից

● Այս խորագրի վերջին նյութերը

«Ընդհանուր պետություն» մոդելը հայկական կողմը չի առաջարկել (տեսանյութ)

24.12.2024 ● 20:29

Սա պարզապես Վահագի համար առիթ էր կիսվել իրեն հոգեհարազատ պետության զինանշանով։

Ես պատրաստ եմ Փաշինյանի հետ բանավեճին. Օսկանյան (տեսանյութ)

24.12.2024 ● 20:12

Ես ձեռնոց եմ նետում Փաշինյանին. արի΄ բանավիճենք, բայց մեկ պայմանով։

Կռուտիտի կարիք լինի, դիմեք Ավինյանին, Նիկոլին է հավասարվում

24.12.2024 ● 18:32

Չեմ իմացել, որ 7,8 մլն դրամանոց տոմսով եմ թռչում ԱՄՆ։

ՔՊԿ-ն թանկացրեց նաև աղբահանության վարձավճարները Երևանում

24.12.2024 ● 13:15

Երևանցիների վստահության քվե չստացածները թանկացնելով Կարմիր գծերը, թանկացնելով քաղաքային տրանսպորտը, թանկացնելով տեղական տուրքերի ու վարձավճարների չափերը` կարծես վրեժ են լուծում ու մուռ հանում։

Ադրբեջանի երեք վտանգներն ու մենք (տեսանյութ)

24.12.2024 ● 00:22

Նախկին աշխարհակարգի հիմնական սկզբունքը՝ սահմանների անխախտելիությունն, այլևս չի գործում, դրան զուգահեռ կրոնը նորից մուտք է գործում մեծ քաղաքականություն: