Ինքներս ենք մեղավոր այն ամենի համար, ինչ կատարվում է մեր սահմաններին. Սամվել Կարապետյան

● Լրահոս

24.04.2023 ● 21:31

Ինքներս ենք մեղավոր այն ամենի համար, ինչ կատարվում է մեր սահմաններին. Սամվել Կարապետյան

Մենք ինքներս ենք մեղավոր այն ամենի համար, ինչ այսօր կատարվում է մեր հայրենիքի սահմաններին։ Այս մասին ասել է «Տաշիր» ընկերությունների խմբի և Հայ գործարարների ասոցիացիայի նախագահ Սամվել Կարապետյանը Հայոց ցեղասպանության տարելիցի կապակցությամբ տարածած հայտարարությունում։

«Առաջին հերթին մենք ինքներս պետք է սթափ գնահատենք, թե կոնկրետ ինչ սխալներ են արվել այս տարիների ընթացքում, որոնք այսօր մեր երկիրը հասցրել են գոյաբանական ճգնաժամի։ Պետք է գիտակցել և ընդունել սեփական սխալները ու չգնալ մեղադրանքների և քննադատության ճանապարհով»,–գրել է գործարարը։

Նա նշել է, որ անհրաժեշտ է անհապաղ համախմբել բոլոր ջանքերը թե՛ Հայաստանի ներսում, թե՛ դրսում ողբերգությունը կանխելու համար։

«Այսօրվա տարանջատման հռետորաբանությունը կարող է ճակատագրական լինել մեր երկրի, մեր ժողովրդի համար։ Ուստի այս պահին կարևոր է համախմբվել, համատեղել բոլոր ջանքերը` կանխելու նոր սեւ էջերը մեր երկրի պատմության մեջ»,-հայտարարել է Սամվել Կարապետյանը։

Կարապետյանը խորհրդանշական է համարում, որ հենց այսօր՝ Հայոց ցեղասպանության զոհերի հիշատակի օրը, երկիրը կրկին կանգնած է հնարավոր նոր ողբերգության շեմին։

«Ավելի քան երեք ամիս է, ինչ արցախահայությունը արգելափակվել և պարբերաբար ահաբեկչության է ենթարկվում Ադրբեջանի կողմից, որը բացահայտ խախտում է բոլոր պայմանավորվածությունները և կարմիր գծերը՝ վտանգի տակ դնելով տարածաշրջանի 120.000 խաղաղ բնակիչների կյանքը։ Ողջ աշխարհի աչքի առջև Ադրբեջանը վարում է հայ ժողովրդի բռնաճնշման ու էթնիկ ատելության քաղաքականություն»,-ասել է նա։

Սամվել Կարապետյանը նաև նշել է, որ որպես Հայաստանի քաղաքացի՝ շարունակելու է լինել իր ժողովրդի կողքին և գործադրել բոլոր ջանքերը՝ երկրի կայուն և անվտանգ ապագայի համար։ Նա նշել է, որ իր միակ նպատակը Հայաստանի բարգավաճումն է, որն անհնար է առանց համընդհանուր կոնսոլիդացման։

Աղբյուրը՝ armeniasputnik.am

● Այս խորագրի վերջին նյութերը

Երևանում հրդեհ է բռնկվել երթուղային ավտոբուսում

27.09.2024 ● 19:44

Ըստ նախնական տեղեկությունների՝ հրդեհ է բռնկվել թիվ 39 երթուղին սպասարկող «Hyundai» մակնիշի ավտոբուսի շարժիչի հատվածում: Տուժածներ չկան:

23-ամյա երիտասարդը խոստովանել է, որ ինքն է Երևանում մեքենաներ հրկիզել, նա ձերբակալված է

27.09.2024 ● 19:42

Ձերբակալվել է Երևանում մեքենաներ հրկիզած երիտասարդը։

Սևանում հանգստյան տան տանիքում հայտնաբերվել է տղամարդու մարմին

27.09.2024 ● 19:40

Տանիքի վրա աշխատանքներ կատարելու նպատակով բարձրացել է այնտեղ ու անզգուշաբար գլխով դիպել է տանիքի վրայով անցնող լարին, ինչի հետևանքով հոնսանքահարվել և տեղում մահացել է:

Նյու Յորքի քաղաքապետը Թուրքիայից կաշառք է ստացել Հայոց ցեղասպանության մասին չխոսելու համար

27.09.2024 ● 19:29

Ադամսը անվտանգության արագացված ստուգում է կազմակերպել թուրքական հյուպատոսության շենքում՝ «Թուրքական տանը»։

Վան Գոգի կտավը Հոնկոնգի աճուրդում վաճառվել է 27,6 մլն դոլարով

27.09.2024 ● 18:37

2024 թ. մայիսին Sotheby"s-ը հաղորդել էր Կլոդ Մոնեի «Խոտի դեզ Ժիվեռնիում» կտավը 34,8 միլիոն դոլարով վաճառելու մասին։

Կյանքից հեռացել է դերասանուհի Մեգգի Սմիթը

27.09.2024 ● 18:12

Կյանքից հեռացել է հիվանդանոց։

Նյու Յորքի քաղաքապետը Թուրքիայից կաշառք է ստացել Հայոց ցեղասպանության մասին չխոսելու համար

Հեծանվավազքի ու հեծանիվի ֆեյք սիրահարի մասին. «Երևանը և երևանցիները» (տեսանյութ)

Վրաստանը մտադիր է վերանայել հարաբերություններն ԱՄՆ-ի հետ, եթե Վաշինգտոնը չփոխի իր քաղաքականությունը

● Լրահոս