Այսօր՝ ապրիլի 27-ին, վրաերթ է տեղի ունեցել Երևանում։ Ժամը 15։10-ի սահմաններում Լոռու մարզի բնակիչ 32-ամյա Գևորգ Չ․-ն իր վարած Opel Corsa մակնիշի ավտոմեքենայով Արամ Խաչատրյան 25 շենքի հարևանությամբ վրաերթի է ենթարկել 12-14 տարեկան տղա հետիոտնի։

Ինչպես դեպքի վայրից հայտնում է shamshyan.com-ը, վարորդը փախուստի չի դիմել, զանգահարել է 1-03 շտապօգնություն և օգնել է օպերատիվորեն ժամանած բժիշկներին՝ երեխային տեղափոխել «Սուրբ Աստվածամայր» բժշկական կենտրոն։

Վարորդը տեղում ենթարկվել է սթափության փորձաքննության, նա եղել է սթափ։

Վրաերթի փաստով քննչական բաժնում նախաձեռնվել է վարույթ։

Ավտոմեքենան տեղափոխվում է ՊԾ Երևան քաղաքի գնդի պահպանվող հատուկ տարածք։

Պարեկային Ծառայությունն ու քննչական բաժինը պարզում են վրաերթի ենթարկվածի ինքնությունը։