Reddit-ի հիմնադիր, ձեռնարկատեր Ալեքսիս Օհանյանն ու թենիսիստուհի Սերենա Ուիլյամսը սպասում են երկրորդ երեխային: Այս մասին հայտնի է դարձել մարզուհու ինստագրամյան հրապարակումից: Լուսանկարներում երևում է Ուիլյամսի կլորիկացած որովայնը:

Ինչպես գրում է nypost.com-ը, Ուիլյամսն ու Օհանյանը լուսանկարներում ցույց են տվել՝ ինչ տեսքով են ներկայանալու ամենամյա Met Gala միջոցառմանը:

«Այնքան ոգևորվեցինք, երբ Աննա Վինտուրը (Vogue-ի գլխավոր խմբագիր, Tert.am) մեզ երեքիս հրավիրեց Met Gala-ին»,-լուսանկարներին կից գրել է թենիսիստուհին:

Ուիլյամսի և Օհանյանի առաջնեկը՝ Ալեքսիս Օլիմպիա Օհանյան կրտսերը, լույս աշխարհ է եկել 2017 թվականի սեպտեմբերին։

Զույգն ամուսնացել է 2016 թվականի դեկտեմբերին Հռոմում տեղի ունեցած արարողության ժամանակ, որին մասնակցել է Vogue-ի գլխավոր խմբագիր Վինտուրը:

Ստորև ներկայացնում ենք զույգի լուսանկարները՝ Met Gala 2023-ի կարմիր գորգին՝

Աղբյուրը՝ tert.am