Ուգանդայի աշխատանքի, զբաղվածության և արտադրական հարաբերությունների նախարար Չարլզ Օկելո Էնգոլային գնդակահարել է իր թիկնապահն աշխատանքի գնալու ճանապարհին: Տեղեկությունը հայտնում է Daily Monitor պարբերականը։

Ոստիկանության տեղեկություններով` մի քանի կրակոցներ են արձակվել։

Թիկնապահը փախուստի է դիմել հանցագործության վայրից, իսկ ավելի ուշ ինքնասպան է եղել։

Հաղորդվում է, որ նախարարի անձնական քարտուղար Ռոնալդ Օտիմը նույնպես լուրջ վնասվածքներ է ստացել և տեղափոխվել հիվանդանոց:

Դեպքի վայրում աշխատում են դատաբժիշկները։ Իրավապահները փորձում են պարզել կատարվածի դրդապատճառները։

Աղբյուրը՝ armeniasputnik.am