Այսօր՝ մայիսի 8-ին, արտակարգ դեպք է տեղի ունեցել Երևանում։ Ժամը 10։40-ի սահմաններում ՀՀ Ներքին գործերի նախարարության Փրկարար ծառայության 911 Ճգնաժամային կառավարման ազգային կենտրոն ահազանգ է ստացվել, որ Սասունցի Դավիթ հրապարակի հարևանությամբ ավտոմեքենա է այրվում։

Ինչպես դեպքի վայրից հայտնում է shamshyan.com-ը, օպերատիվորեն ժամանել են ՓԾ Երևանի թիվ 3-րդ հրշեջ-փրկարարական ջոկատից 1 մարտական հաշվարկ։

Հրշեջները մարել են Volkswagen մակնիշի ավտոմեքենայի առջև հատվածում առաջացած հրդեհը։

Ըստ նախնական տեղեկությունների՝ բարեբախտաբար՝ տուժածներ չկան։

Տեղում տարածքը սահմանազատել են նույն վաշտի պարեկները, ովքեր էլ այնուհետև պարզել են, որ վարորդը եղել է Տավուշի մարզի բնակիչ 28-ամյա Մանանա Մ․-ն։

Թե ինչն է եղել հրդեհի պատճառը՝ պարզվում է։

Դեպքի վայր են ժամանել են նաև 1-03 շտապօգնության բժիշկների հերթապահ խումբը։