Այսօր՝ մայիսի 13-ին, ավտովթար է տեղի ունեցել Լոռու մարզում: Ժամը 12:00-ի սահմաններում բեռնատար կցորդիչով Mercedes մակնիշի ավտոմեքենան Վանաձոր-Ալավերդի ավտոճանապարհի 35 կմ հատվածում, դեռևս անհայտ հանգամանքներում, կցորդիչի հատվածով բախվել է ապառաժ քարերին և կամրջի երկաթե ճաղավանդակին:

Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, բարեբախտաբար, տուժածներ չկան:

Պարեկները տեղում պարզել են, որ վարորդը 28-ամյա Հուրալի Ումուտզհանն է՝ Ղրղզստանի Հանրապետության քաղաքացի, ով ենթարկվել է սթափության փորձաքննության, եղել է սթափ:

Վթարի փաստով ՊԾ Լոռու մարզի գումարտակում նյութեր են նախապատրաստվում: