Քլոե Քարդաշյանն իրեն մեղավոր է զգում նորածին որդու հետ կապված չզգալու համար և ցանկանում է, որ մարդիկ ավելի «ազնիվ» վերաբերվեն փոխնակ մայրության իրողություններին։

Նա այդ մասին բացահայտորեն խոսում է Քիմ Քարդաշյանի և Սքոթ Դիսիկի հետ զրույցում «Քարդաշյանները» շեուի 3-րդ եթերաշրջանի անդրանիկ թողարկման դրվագում։

Քլոեի որդին՝ Թաթումը, ծնվել է փոխնակ կնոջ կողմից՝ անցյալ տարվա հուլիսին։ Նա երկրորդ երեխան է, որը հայուհին կիսում է նախկին ընկերոջ՝ Տրիստան Թոմփսոնի հետ: Նրանք ունեն նաև հինգ տարեկան դուստր՝ Թրուն։

Քլոեն հիշում է, թե որքան «դժվար էր փոխնակ մայրության գործընթացը իր համար», իսկ Քիմը կրկնում է, որ իր քույրը «դժվարությամբ է ընդունել» այդ ամբողջը:

«Ես, իսկապես, կարծում եմ, որ տարբերություն կա, երբ երեխան գտնվում է ձեր որովայնում, քանի որ նա, իսկապես, զգում է ձեր սիրտը: Այս մոլորակի վրա ոչ ոք չկա, ով ձեզ ներսից այսպես կզգա»,-բացատրում է Քիմը, ով իր չորս հղիություններից երկուսի ժամանակ նույնպես դիմել է փոխնակ մայրության:

Սքոթը հարցնում է Քլոեին՝ արդյոք նա իրեն աբելի քի՞չ կապված է զգում երեխայի հետ․ Քլոեն դժկամությամբ է ընդունում դա, բայց նաև ասում է, որ դրա համար ժամանակ է պահանջվում: Նա կարծես թե մի փոքր նախանձում է այն փաստին, որ Քիմի համար «հեշտ» է եղել շփվել իր երկու կրտսեր երեխաների հետ, որոնք ծնվել են փոխնակ մոր միջոցով։

«Ես գլուխս թաղել էի ավազի մեջ այդ հղիության ընթացքում և չէի կարողանում մարսել կատարվածը»,-բացատրում է Քլոեն: Նա պնդում է, որ իր զգացմունքները «ոչ մի կապ չունեն երեխայի հետ», այլ ավելի շատ կապված են հանգամանքների հետ, և թե ինչպես է դա իրեն «գործարքային» թվում:

«Ես միանշանակ ցնցված էի ողջ փորձից: Ես ինձ շատ մեղավոր էի զգում, որ այս կինը հենց նոր էր ծննդաբերել իմ երեխային, իսկ ես երեխային վերցնում ու գնում եմ մեկ այլ սենյակ, և մենք, մի տեսակ, բաժանված ենք»:

Նրա խոսքով՝ ինքը կցանկանար ավելին իմանալ փոխնակ մայրության և դրա բարդությունների մասին՝ նախքան առաջ շարժվելը։

Աղբյուրը՝ style.news.am