Հիմա տոները մեզանից գողացվել են։ Որովհետև ո՛չ հաղթանակներից, ո՛չ պարտություններից դասեր չքաղեցինք։ Մայիսի 28-ն այս առումով դառնում է մտորելու օր՝ լինե՞լ, թե՞ չլինել հարցադրմամբ։

Օրվա իշխանությունը բռնել է չլինելու ուղին։ Նրանք, ովքեր լինելու կողմնակից են, պետք է անհատական ու թիմային որոշում կայացնեն, պատասխանատվություն վերցնեն։

Այսօր թիմակիցներով ծաղիկներ դրեցինք 1-ին Հանրապետության ստեղծման հիմքերում կանգնած Արամ Մանուկյանի շիրիմին։ Մենք մեր մեծերին պետք է հիշենք և թույլ չտանք, որ իրենց ստեղծածը փոշիանա։

Այսօր տեղի կունենա «Մայր Հայաստան» անունը կրող ժողովրդական շարժման հիմնադրումը։ Մենք հատուկ ենք այս օրն ընտրել, որպեսզի ընդգծենք մեր նպատակներն ու արժեքները։

Օրվա իշխանությունը մայիսն ուզում է ջնջել մեր պատմական օրացույցից։ Մեր խնդիրը հաղթանակների մայիսին տեր կանգնելն ու օրացույցն, իրոք, տոնական դարձնելն է։

Անդրանիկ Թևանյանի ֆեյսբուքյան էջից