Հայաստանում ՌԴ ՊՆ ռուսական ռազմակայանի հակաահաբեկչական ստորաբաժանման զինծառայողները Գյումրու կայազորի տարածքում մասնակցել են պլանային վարժանքի: Տեղեկությունը հայտնում է Հարավային ռազմական օկրուգի մամուլի ծառայությունը։

Զինծառայողները զրահամեքենայի կրակի աջակցությամբ հետ են մղել պայմանական հակառակորդի դիվերսիոն-հետախուզական խմբի հարձակումը հսկիչ անցակետի և հարակից տարածքի վրա:

Դիվերսիոն-հետախուզական խմբի չեզոքացումից հետո կինոլոգիական հաշվարկների մասնակցությամբ իրականացվել է ավտոմոբիլային տեխնիկայում և հսկիչ անցակետի շուրջ պայթուցիկ սարքերի առկայության ստուգում։

Վարժանքն անցկացվել է մարտականին մոտ պայմաններում։ Մարտական իրավիճակ ստեղծելու համար օգտագործվել են տարբեր իմիտացիոն միջոցներ, այդ թվում` չլիցքավորված զինամթերք, պայթուցիկ նյութերով փաթեթներ, ինչպես նաև լուսաձայնային նռնակներ: