Չինաստանի հյուսիսարևմտյան Շենսի նահանգում հնագետները խոշոր կառույցի ավերակներ են հայտնաբերել, որոնք պատկանում են Չունցյու (Գարնան և Աշնան, մ.թ.ա. 770-476թթ.) շրջանին, տեղեկացրել է «Սինհուան»։

Նա այսպիսով ավելի քան 2000 տարվա պատմություն ունի, տեղեկացրել են հնագետները։

Հնագիտության գիտահետազոտական ինստիտուտը ավերակները հայտնաբերել է Յունչենի արևելյան ծայրամասում, դա Ցին թագավորության մայրաքաղաքն է և զբաղեցրել է 50 քառակուսի կիլոմետր տարածք։

Շենսի նահանգի հնագիտության ԳՀԻ-ն և Բաոցզի քաղաքի հնագիտության ԳՀԻ-ն, ինչպես նաև տեղի երկու թանգարանները համատեղ պեղումներ են իրականացրել 2022թ. հունիս-դեկտեմբերին։ Հայտնաբերվել է խոշոր շինության հիմքի մի մասը, որն ընկած էր ինչպես արևմուտքից արևելք, այնպես էլ հարավից հյուսիս։

Պեղումների վայրում հայտնաբերվել են նաև մի քանի կավե նմուշներ ձիերի, եղջերուների սանձեր պատրաստելու, ինչպես նաև այլ հումք աշխատանքի ոսկրե գործիքներ պատրաստելու համար։ Գտնվել են նաև Արևելյան Չժոու հարստության (մ.թ.ա. 770-256թթ.) ժամանակների վառարաններ, տների, փողոցների, ջրհորների ավերակներ և Խան հարստության (մ.թ.ա. 202 – մ.թ. 220թթ.) վառարաններ և գերեզմանոցներ, տարբեր ժամանակներում իշխած Թան, Սուն, Մին, Ցին հարստությունների տների, ջրհորների ավերակներ։

Պեղումների տեղում հայտնաբերված նմուշները Չունցյու ժամանակաշրջանի շինանյութեր են։ Գտնվել է ընդհանուր առմամբ 183 առարկա։

Ելնելով հատակագծից, շինանյութերի չափից և տեխնոլոգիական մակարդակից՝ հնագետները եզրակացրել են, որ այստեղ, հավանաբար, կառուցվել է պահեստարան, որը թույլ է տվել վերանայել նախորդ վարկածն այն մասին, որ դա ամենավաղ ժամանակների շինհրապարակն էր Յունչենի պալատում։ Պեղումների ժամանակ հայտնաբերված նմուշները թույլ են տվել հասկանալ Արևելյան Չժոու հարստության ժամանակների ճարտարապետական տեխնոլոգիաները։

Աղբյուրը՝ news.am