Սյունիքի մարզում, հունիսի 28-ին, ավտոմեքենաների և մոտոցիկլետի բախում է տեղի ունեցել. ժամը 19։30-ի սահմաններում ՀՀ Ներքին գործերի նախարարության Ոստիկանության Սիսիանի բաժին օպերատիվ տեղեկություններ են ստացվել, որ Երևան-Մեղրի ավտոճանապարհի 186 կմ հատվածում ավտովթար է տեղի ունեցել, և վարորդներից մեկը գտնվում է ոչ սթափ վիճակում։

Shamshyan.com-ի հաղորդմամբ, պարզվել է, որ ժամը 19։15-ի սահմաններում Իրանի քաղաքացի 53-ամյա Վահիկ Հ․-ն, լինելով ոչ սթափ վիճակում, իր վարած Renault մակնիշի ավտոմեքենայով բախվել է ճանապարհի աջ հատվածում կայանված՝ Սյունիքի մարզի բնակիչ 48-ամյա Հրայր Ա․-ի կողմից շահագործվող Toyota մակնիշի ավտոմեքենային, որից հետո հարվածից Toyota-ն բախվել է իր առջևում կայանված Սերբիայի Հանրապետության քաղաքացի 55-ամյա Բոյան Բ.-ին պատկանող BMW մակնիշի մոտոցիկլետին, որն էլ առաջ ընթանալով՝ բախվել է Երևանի բնակիչ 71-ամյա Սամվել Բ․-ի կողմից շահագործվող Opel մակնիշի ավտոմեքենային։

Վթարի հետևանքով Սամվել Բ․-ն, Հրայր Ա․-ն և Բոյան Բ․-ն բժշկական օգնություն ստանալու նպատակով տեղափոխվել են «Սիսիան» բժշկական կենտրոն։