Հնդկաստանի ափի հինավուրց քաղաքը խորհրդավոր կերպով լքվել է մոտ 2000 տարի առաջ։ Հիմա, ավերակների համակարգված ուսումնասիրությունից հետո, հնագետները գիտեն, թե ինչու են բնակիչները հեռացել։

Սոպարա քաղաքը, որ Մումբայից 60 մղոն հյուսիսում է եղել, մի ժամանակ Ասիան Եվրոպային կապող կարևոր առևտրային կենտրոն էր։

Current Science ամսագրում հրապարակված ուսումնասիրության համաձայն, արդեն մ․թ․ 1400 թվականից ծովային մայրաքաղաքը, որը միաժամանակ կրոնական կենտրոն էր, նպաստել է Հունաստանի, Պարսկաստանի և արաբական բնակավայրերի հետ առևտրին։

Սակայն Science in Poland-ի տվյալներով, քաղաքի բնակիչներն, ըստ երևույթին, հանկարծակի լքել են քաղաքը մոտավորապես երրորդ դարում։

2020 թվականին Լեհաստանի և Հնդկաստանի հնագետները ուղևորվեցին բացահայտելու Սոպարայի անկման գաղտնիքը․ ինչպե՞ս խոշոր առևտրային կենտրոնը վերածվեց ուրվական քաղաքի։

Ոչ ինվազիվ մեթոդների կիրառմամբ հնագետները մեթոդաբար ուսումնասիրեցին ավերակները։ Անօդաչու թռչող սարքերի միջոցով նրանք ստեղծեցին ավերակների եռաչափ մոդելը, որոնք 1 քառ․ մղոնից պակաս տարածք են զբաղեցնում։

Նրանք նաև ուսումնասիրեցին մակերևույթը՝ մետաղորսիչներով գետինը սկանավորելով և նեղ անցքեր փորելով, որ հայտնի են որպես հորատանցքեր, որոնք կարող են օգնել ժամանակի ընթացքում գնահատել երկրաբանական պայմանները։

Հորատանցքերի ուսումնասիրությունը ցույց տվեց, որ մոտ 2000 տարի առաջ քաղաքի ջրային ուղիներն աստիճանաբար լցվել են տիղմով։

Սոպարայի բնակիչները, հավանաբար, քաղաքը լքել են ջրային ուղիների աղտոտման պատճառով, որոնք քաղաքը կապում էին օվկիանոսին՝ ծովային առևտրային կենտրոնի կենսական ուժի աղբյուրին։

Աղբյուրը՝ news.am