Ադրբեջանի արտգործնախարար Ջեյհուն Բայրամովը ընդունել է Բաքվում Ռուսաստանի նոր դեսպան Միխայիլ Եվդոկիմովի հավատարմագրերի պատճենները։ Ըստ Ադրբեջանի ԱԳՆ-ի՝ Բայրամովն ու Եվդոկիմովը քննարկել են Ադրբեջանի և Հայաստանի միջև խաղաղության գործընթացը։

Հանդիպման ընթացքում նշվել է, որ «Ադրբեջանի ինքնիշխանությունն ու տարածքային ամբողջականությունը» (չակերտները՝ Tert.am) չպետք է պայմանավորված լինի Հայաստանի դիրքորոշմամբ։

Խոսելով Արցախը Հայաստանին կապող միակ ճանապարհի՝ Լաչինի միջանցքի սկզբնամասում՝ Հակարի գետի կամրջի վրա ապօրինաբար տեղադրված անցակետի մասին՝ Ադրբեջանի արտգործնախարարը հայտարարել է, որ դա Բաքվի ինքնիշխան իրավունքն է:

Բայրամովը կրկնել է առաջարկն առ այն, որ «Աղդամ-Խանքենդի (Ակնա-Ստեփանակերտ-Tert.am) մայրուղին կարող է օգտագործվել Ադրբեջանի հայ բնակիչների (Արցախի Հանրապետության քաղաքացիներ-Tert.am) կարիքները հոգալու համար»։

Հիշեցնենք, որ Բայրամովն օրերս խոսել էր Ակնա-Ստեփանակերտ մայրուղին օգտագործելու հնարավորության մասին:

Աղբյուրը՝ tert.am