Չինաստանում միլիարդատիրոջ խնդրանքով 390.000 դոլար արժողությամբ Roll-Royce Ghost մեքենան հատուկ տեխնիկայի միջոցով բարձրացվել է շենքի 44-րդ հարկ:

Ինչպես նշում է Daily Mail-ը, այս տարօրինակ քայլը բացատրվում է նրանով, որ չինացին ցանկացել է շքեղ մեքենան իր պենտհաուսի պատշգամբում կայանել:

Ըստ SuperCarBlondie-ի, 2,5 տոննա կշռող մեքենան բարձրացվել է Չինաստանի Ֆուցզյան նահանգում երկնաքերի 44-րդ հարկ՝ 167մ բարձրության վրա:

Արժեքավոր մեքենայի ահռելի քաշի պատճառով ընկերությունը, որն իրագործել է այն բարձրացնելու գործողությունը, մանրազնին հաշվարկներ է արել: