15.11.2024 ● 13:11
15.11.2024 ● 13:08
15.11.2024 ● 12:31
15.11.2024 ● 11:58
15.11.2024 ● 11:01
15.11.2024 ● 10:04
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
Նորածինը հիվանդանոց էր տեղափոխվել ծանր շնչական անբավարարությամբ և ցնցումներով. մանրամասներ
«Մուրացան» համալսարանական հիվանդանոցում երեկ երեկոյան մահացած նորածինը, որին գտել էին Գեղարքունիքի մարզի Ներքին Գետաշեն գյուղի «Սուրբ թաղ» թաղամասի հարևանությամբ գտնվող մատուռի մոտ, տեղափոխվել էր հիվանդանոց ծանր շնչական անբավարարությամբ ու ցնցումներով։ Այս մասին Sputnik Արմենիային հայտնեցին «Մուրացան» համալսարանական հիվանդանոցից։
«Հիվանդանոցի նորածնային սանավիացիան երեկ 11։30– սահմաններում կանչ էր ստացել «Մարտունի» ԲԿ-ից։ Նորածինը տեղափոխվել է Երևան և միացվել արհեստական շնչառության սարքին»,–հայտնեցին հիվանդանոցից։
Երեխայի վիճակը բժիշկները գնահատել էին ծայրահեղ ծանր, նա կշռել է 1,9 կգ։ Ժամը 20:50–ին արձանագրվել է նորածնի կենսաբանական մահը։
Հայտնել էինք, որ Գեղարքունիքի մարզի Ներքին Գետաշեն գյուղի «Սուրբ թաղ» թաղամասում՝ մատուռի հարևանությամբ, հուլիսի 22–ին նորածին երեխա է հայտնաբերվել դեղին պոլիէթիլենային տոպրակի մեջ։ Ոստիկաններն անմիջապես ահազանգել են Մարտունու բժշկական կենտրոն։ Բժիշկները տեղում բուժօգնություն են ցուցաբերել երեխային և տեղափոխել հիվանդանոց։ Ըստ տեղեկությունների` երեխան ռեանիմոբիլով տեղափոխվել է Երևան։
Ներքի Գետաշեն գյուղի վարչական ղեկավար Ռուբեն Զուլոյանը Sputnik Արմենիայի հետ զրույցում ասել էր, որ Մատուռի մոտ տոպրակով թողնված նորածին տղային գյուղի շները քաշելով հասցրել են գյուղացիներից մեկի տան հետնամաս, որտեղ էլ գտել են նրան։