Տվյալների պաշտպանության եվրոպական խորհուրդը հայտարարել է, որ որոշել է մի քանի ֆունտ ստեռլինգով տուգանել TikTok չինական ընկերության՝ Եվրամիությունում երեխաների գաղտնիությունը խախտելու համար։ Այդ մասին գրում է The Guardian-ը։

Տվյալների պաշտպանության եվրոպական խորհուրդը հայտարարել է, որ TikTok-ի կողմից երեխաների տվյալների մշակման հետ կապված որոշումը պարտադիր բնույթ է կրում:

Սպասվում է, որ տուգանքը կսահմանվի չորս շաբաթվա ընթացքում։

ԵՄ-ի որոշումը հետևում է հետաքննությանը, որը սկսել էր 2021 թվականին Իռլանդիայում տվյալների պաշտպանության հանձնակատարը՝ TikTok-ի կողմից ԵՄ տվյալների պաշտպանության ընդհանուր կանոնակարգին համապատասխանության մակարդակի և 13-ից 17 տարեկան երեխաների տվյալների հետ վարվելու վերաբերյալ:

Թվային ծառայությունների մասին ԵՄ օրենսդրության համաձայն՝ TikTok-ը, Google-ը, Facebook-ը և այլ խոշոր առցանց հարթակները պարտավոր են վերահսկել իրենց հարթակներում անօրինական բովանդակությունը, արգելել որոշակի գովազդային պրակտիկա և տվյալների փոխանակում իշխանությունների հետ:

Չինական ByteDance ընկերությունը, որին պատկանում է TikTok-ը, ասել է, որ նոր միջոցներ է ձեռնարկել ԵՄ պահանջներին համապատասխանելու համար, այդ թվում՝ սկսել է հեռացնել նպատակային գովազդը 13-ից 17 տարեկան օգտատերերի համար:

Այս տարվա սկզբին TikTok-ը Մեծ Բրիտանբիայում տուգանվել էր 12,7 միլիոն ֆունտ ստեռլինգով՝ 13 տարեկանից ցածր գրեթե 1,5 միլիոն երեխաների տվյալների ապօրինի մշակման համար:

Աղբյուրը՝ tert.am