Ինդոնեզիայից մի կին հրաշքով ողջ է մնացել՝ 90 րոպե անցկացնելով կոկորդիլոսի բերանում, գրում է Oddity Central-ը։

38-ամյա Ֆալմիրա դե Ժեզուսը ջուր էր հավաքում ծանծաղ, կանաչ առվակից, երբ նրա վրա հանկարծակի հարձակվել է կոկորդիլոսը: Սողունը բռնել է կնոջ ոտքից ու քարշ տվել ջուրը։ Գիշատչի զոհին հաջողվել է օգնության կանչել պլանտացիայի վրա աշխատող մարդկանց, ովքեր փորձել են նրան պոկել գազանից։

«Ցավում էր, չէի կարողանում դուրս պրծնել: Ես ուղղակի մտածում էի, որ կմեռնեմ»,-հիշում է Ֆալմիրան։

Ականատեսները պատմել են, որ կոկորդիլոսը կնոջը պահել է մոտ 90 րոպե ու մի քանի անգամ փորձել քաշել ջրի տակ։ Արդյունքում սողունը որոշել է բաց թողնել իր որսին ու նահանջել։ Նրանցից ամենահամարձակները, ովքեր օգնել են, շտապել դե Հիսուսի հետևից առվակի մեջ, բերել ափ և կանչել բժիշկներին:

Տեղի ոստիկանությունը գովել է և՛ Ֆալմիրային՝ կոկորդիլոսի դեմ նրա խիզախ պայքարի համար, և՛ այն մարդկանց, ովքեր օգնել են նրան գոյատևել։

Աղբյուրը՝ news.am