Հայաստանում դժբախ պատահարի հետևանքով մահացել է Ուկրաինայի գործերի ժամանակավոր հավատարմատար Ալեքսանդր Սենչենկոն. նա ղեկավարել է երկրում Ուկրաինայի դիվանագիտական առաքելությունը։

Այս մասին գրում է rbc.ua կայքը՝ հղում անելով Ուկրաինայի ԱԳՆ-ին:

Նշենք, որ նախօրեին հայկական լրատվամիջոցները տեղեկություն էին տարածել, որ Սևանա լճում տղամարդ է խեղդվել։

Օգոստոսի 13-ին, ժամը 20:17-ին Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սևանա լճի 2-րդ հանրային լողափում հերթապահություն իրականացնող ջրափրկարարներն ափից 25 մ հեռավորության վրա նկատել են քաղաքացու, ով լողալիս անհետացել է։

Ջրափրկարարները լողալով մոտեցել են տվյալ հատված, մոտ 1․5 մ խորությունից դուրս բերել քաղաքացուն և ռետինե մոտորանավակով տեղափոխել ափ:

Շտապօգնության աշխատակիցներն արձանագրել են քաղաքացու մահը։