21.09.2023 ● 13:21
15.11.2024 ● 08:59
15.11.2024 ● 07:02
15.11.2024 ● 06:54
14.11.2024 ● 15:46
14.11.2024 ● 15:38
14.11.2024 ● 15:01
14.11.2024 ● 11:18
Դանակահարություն Երևանում
Այսօր՝ սեպտեմբերի 21-ին, դանակահարություն է տեղի ունեցել Երևանում։ Ժամը 10։20-ի սահմաններում «Սուրբ Գրիգոր Լուսավորիչ» բժշկական կենտրոնից ՀՀ Ներքին գործերի նախարարության Ոստիկանության Նոր Նորքի բաժին ահազանգ է ստացվել, որ դանակահարված վիճակում շտապօգնության բժիշկների հերթապահ խումբը իրենց մոտ է տեղափոխել մի կնոջ, հաղորդում է Shamshyan.com-ը:
Հիվանդանոցում բժիշկները ոստիկաններին և քննիչներին հայտնել են, որ վիրավորը ի վիճակի չէ կատարվածի մասին բացատրություն տալու։
Ոստիկաններն ու քննիչները պարզել են, որ վիրավորը հիվանդանոց է տեղափոխվել Ավան վարչական շրջանի Դանիել Վարուժան թաղամասի շենքերից մեկի բակից և նա 30-ամյա Անահիտ Ս․-ն է։
Մինչ ոստիկաններն ու քննիչները հիվանդանոցում ճշտում էին դեպքի հանգամանքները, իրավապահները պարզել են դանակահարության վայրը, որտեղ կատարվել է սահմանազատում։