Հռոմի ստատուտը վավերացնելու՝ Հայաստանի կառավարության որոշումը անբարյացակամ քայլ է, սակայն Երևանը հետևողականորեն գնում է այս կուրսով, NEWS.ru-ին ասաց ԱՊՀ գործերով, եվրասիական ինտեգրման և հայրենակիցների հետ կապերի Դումայի կոմիտեի ղեկավարի առաջին տեղակալ Կոնստանտին Զատուլինը։

Նրա խոսքով՝ ֆորմալ առումով հայկական կողմն արգելել է ՌԴ նախագահ Վլադիմիր Պուտինի մուտքը երկիր, ինչն ինքնին վիրավորական է։

«Երկու կողմից էլ զգուշացումներ եղան։ Հայկական կողմը փորձեց փոքրացնել այս վավերացման նշանակությունը՝ պնդելով, որ այն ուղղված չէ Պուտինի և Ռուսաստանի դեմ, մենք, մեր հերթին, դրանով չբավարարվեցինք և հայտարարեցինք, որ սա մարտահրավեր է։ Կարծում եմ, որ իրականում Հայաստանում չեն կարող չհասկանալ, որ այս ճանապարհով գնալով՝ դա նշանակում է ՌԴ նախագահի մուտքի արգելքի ձև։ Այս առումով Հայաստանի կառավարությունը հետևողականորեն գնում է այս կուրսով»,-ասաց Զատուլինը։

Ռուս խորհրդարանականը հիշեցրել է, որ անցյալ տարի Երևանը «մարզվել» է Պետդումայի պատգամավորների և հասարակական-քաղաքական գործիչների մասին և արգելել մուտքն իրենց, RT-ի գլխավոր խմբագիր Մարգարիտա Սիմոնյանին և լրագրող ու հրատարակիչ Արամ Գաբրելյանովին։

«Պարզ է, որ նախագահին չի կարելի արգելել մուտքը, նրանք որոշել են այս տեսքով անորոշություն և կասկած ստեղծել։ Չեմ կարծում, որ ՌԴ նախագահը ցանկանում էր մոտ ապագայում այցելել Հայաստան։ Սա ինքնին, իհարկե, վիրավորական է: Սա կստեղծի մի ենթատեքստ, ինչպես Հայաստանի կառավարության մյուս հայտարարությունները, որոնք առնչվում են հասարակական-քաղաքական և այլ հարցերի»,-հավելեց Զատուլինը:

Աղբյուրը՝ news.am