Գազայի հատվածում գտնվող հիվանդանոցներից մեկին Իսրայելի հասցրած հարվածների հետևանքով ավելի քան 500 մարդ է զոհվել։

Այս մասին հաղորդում է Al-Jazeera հեռուստաալիքը՝ վկայակոչելով անկլավի առողջապահության նախարարության ներկայացուցչին։

«Ալ-Ահլի Ալ-Մաադանի հիվանդանոցի հրթիռակոծման հետևանքով ավելի քան 500 զոհ կա»,-հեռուստաալիքին հայտնել է Գազայի առողջապահության նախարարության ներկայացուցիչը։

Լրատվամիջոցների հաղորդմամբ՝ հիվանդանոցի շենքն օգտագործվել է նաև որպես ապաստան Գազայի հատվածի հյուսիսից ժամանածների համար։

Տեսանյութերը՝ Tert.am-ի թելեգրամյան ալիքում։

***

Գազայի կենտրոնում գտնվող հիվանդանոցի վրա հարձակման հետևանքով բոլոր զոհվածները խաղաղ բնակիչներ էին: Այս մասին, ինչպես հաղորդում է Al Jazeera հեռուստաալիքը, հայտարարել է պաղեստինյան անկլավի առողջապահության նախարարության ներկայացուցիչը։

«Գազայի հիվանդանոցի վրա հարձակման հետևանքով բոլոր սպանվածները խաղաղ բնակիչներ էին»,-ասել է ԱՆ ներկայացուցիչը՝ հավելելով, որ «հիվանդանոցի ռմբակոծության հետևանքով բոլոր վիրավորվածները նույնպես խաղաղ բնակիչներ են»։

Առողջապահության նախարարության ներկայացուցիչի խոսքով՝ «նախորդ տարիներին պաղեստինյան և իսրայելական կողմերի միջև ոչ մի հակամարտության ժամանակ այս հիվանդանոցը երբևէ հարձակման չի ենթարկվել»։

«Այժմ մենք անհանգստանում ենք Գազայի հատվածի մյուս հիվանդանոցների և կլինիկաների համար»,-ավելել է նա: