Տիգրա՛ն Ավինյան,

Հիմք ընդունելով «Տեղեկատվության և ազատության մասին» Հայաստանի Հանրապետության օրենքի 6-րդ հոդվածի 1-ին կետը՝ պահանջում եմ տեղեկատվություն տալ Ձեր՝ որպես Երևանի քաղաքապետ 18 հոկտեմբերի, 2023 թ․ N3343-Ա՝ Հայկազ Ջոմարդյանին Երևանի քաղաքապետի ոսկե մեդալով պարգևատրելու մասին կայացրած որոշման հիմքերի մասին։

Խնդրում եմ և որպես երևանցի նաև պահանջում՝ հանդես գալ պաշտոնական ծանուցմամբ, Երևանի քաղաքապետարանի պաշտոնական կայքում քաղաքացիներին հասանելի տարբերակով տեղադրել և տեղեկացնել երևանցիներին, թե որպես Երևանի քաղաքապետ Հայկազ Ջոմարդյանին ոսկե մեդալով պարգևատրելու համար ի՞նչ հիմնավոր պատճառներ ունեք։ Ձեր կողմից ոսկե մեդալով պարգևատրված Ջոմարդյանն աչքի է ընկնում 44-օրյա պատերազմում մեր հերոսածին ծնողների հանդեպ դրսևորած առավելագույն ատելությամբ, զավակի շիրիմի մոտ աղիողորմ սգացող մորը դաժանաբար ծեծի ենթարկելով ու քարշ տալով բերման ենթարկելով։ Սա հանրության արձանագրած Հայկազ Ջոմարդյանն է, ով ատում է հերոսածին ծնողին։

Պահանջում եմ ներկայացնել Ձեր հիմքերը, որոնցով հիշյալ վայրագությունների կատարածուն արժանացել է համայն հայության մայրաքաղաքի քաղաքապետի ոսկե մեդալի։