ՌԴ արտգործնախարար Սերգեյ Լավրովը Թեհրանում Հարավային Կովկասի հարցով «3+3» ձևաչափով ԱԳ նախարարների հանդիպման շրջանակներում զրույցել է Իրանի արտգործնախարար Հոսեյն Ամիր Աբդոլլահիանի հետ։

Այս մասին հայտնում է ՏԱՍՍ գործակալությունը՝ ՌԴ ԱԳՆ-ին հղումով։

«Ռուսաստանի և Իրանի արտաքին գործերի նախարարությունների ղեկավարներ Սերգեյ Լավրովը և Հոսեյն Ամիր Աբդոլլահիանը զրույց են ունեցել Հարավային Կովկասի հարցով «3+3» խորհրդատվական տարածաշրջանային հարթակի նախարարական հանդիպման շրջանակում»,-նշված է ՌԴ ԱԳՆ-ի հաղորդագրության մեջ:

Հիշեցնենք, որ Հայաստանի, Իրանի, Ռուսաստանի, Ադրբեջանի և Թուրքիայի արտաքին գործերի նախարարները հոկտեմբերի 23-ին Թեհրանում հանդիպել են «3+3» ձևաչափի շրջանակում`քննարկելու հարավկովկասյան տարածաշրջանի խնդիրները և փորձելու ընդլայնել տարածաշրջանային համագործակցությունը (քաղաքական, տնտեսական, անվտանգության, տարանցիկ, էներգետիկ և այլն հարցերի շուրջ): Հանդիպումն արդեն մեկնարկել է։

Աղբյուրը` tert.am