Այսօր հրավիրված ասուլիսին ԱԺ ՀՀԿ խմբակցության պատգամավոր Արտակ Զաքարյանը խոսել է ՀՀԿ–ԲՀԿ փոխհարաբերությունների մասին։

–Կոալիցիայի շուրջը պտտվող խոսակցություններն արհեստածին են և դրսից ներմուծվող,–նշել է բանախոսը:

Նրա խոսքերով՝ կոալիցիան շարունակում է իր բնականոն գործընթացը։

«Կարող են լինել հակասող հայտարարություններ, սակայն սա բնականոն է, ինչպես աշխարհի ցանկացած կոալիցիայում»,–ասել է Ա. Զաքարյանը:

Ըստ նրա՝ նախընտրական գործընթացները կարող են փոխել կոալիցիոն տրամադրությունները:

–Ձևի փոփոխությունն առայժմ չի կարող լինել, իսկ բովանդակային փոփոխություններ հնարավոր են,–նկատել  ՀՀԿ–ական պատգամավորը:

Անդրադառնալով ՀՀԿ–ի հետ համագործակցել ցանկացող քաղաքական ուժերին՝ Ա. Զաքարյանն ասել է.

–ՀՀԿ-ի հետ համագործակցող ցանկացած ուժ պետք է գիտակցի, որ ՀՀԿ-ն բաց է համագործակցության համար, սակայն պետք չէ նրան ինչ-որ բան սովորեցնել։ ՀՀԿ-ն այն կուսակցությունը չէ, որի հետ կարելի է զբաղվել առևտրով։