14.11.2024 ● 04:26
13.11.2024 ● 19:29
13.11.2024 ● 17:14
13.11.2024 ● 17:00
13.11.2024 ● 15:27
13.11.2024 ● 13:03
13.11.2024 ● 12:56
13.11.2024 ● 10:01
13.11.2024 ● 09:23
13.11.2024 ● 08:51
13.11.2024 ● 08:13
Լիբանանը հայտնել է, որ հրետակոծության հետևանքով տեղահանվածների թիվը գերազանցել է 50 հազարը
Լիբանանի սահմանամերձ շրջանների բնակավայրերի մեծ մասն ամայացել է իսրայելական բանակի և «Հեզբոլլահի» շիա աշխարհազորայինների միջև շարունակվող հարվածների պատճառով։ Այս մասին ՏԱՍՍ-ին ասել է Հարավային Լիբանանի քաղաքապետարանների միության ղեկավար, Բուրջ Ռահալի քաղաքապետ Հասան Համուդը։
«Ավելի քան 50 հազար մարդ արդեն մեկնել է, մեծամասնությունը՝ Բեյրութ, Սաիդա, Բաալբեկ և այլ վայրեր»,-ասել է նա,-Իհարկե, սրանք անօթեւան փախստականներ չեն, ունեն բնակարաններ, հարազատներ, որոնց մոտ կարող են մնալ։ Ինչ վերաբերում է տները կորցրածներին, կամ իսկապես գնալու տեղ չունեցողներին, ապա նրանց թիվը Տյուրի շրջանում 6,5 հազար է, իսկ ամբողջ տարածաշրջանում՝ 19 հազար»։
Քաղաքապետի խոսքով, ով ղեկավարում է Տյուր քաղաքում ճգնաժամային շտաբը, քաղաքապետարանները սերտորեն համագործակցում են Լիբանանի Կարմիր Խաչի և բարեգործական կազմակերպությունների հետ՝ փախստական ընտանիքներին ապահովելու համար անհրաժեշտ ամեն ինչ:
«Դա հեշտ չէ անել տնտեսական բարդ պայմաններում, բայց մենք փորձում ենք»,-ասել է Համմուդը:
«Հիմա մենք ժամանակավորապես օգտագործում ենք դպրոցները մարդկանց վերաբնակեցնելու համար, ինչը որոշակի անհարմարություններ է ստեղծում, բայց հարավցիները սովոր են դա հանդուրժել, սա առաջին դեպքը չէ, որ տեղի է ունենում նրանց կյանքում»:
Աղբյուրը՝ news.am