ՀՀ ԲԿ-ներում սուր շնչառական վարակներով հոսպիտալացված 500 անձ կա, 90%–ը երեխաներ են

● Լրահոս

27.10.2023 ● 13:07

ՀՀ ԲԿ-ներում սուր շնչառական վարակներով հոսպիտալացված 500 անձ կա, 90%–ը երեխաներ են

Հայաստանում նախորդ շաբաթվա համեմատ սուր շնչառական վարակներով հիվանդացությունների դեպքերն աճել են 1,1 անգամ։ Այսօր հրավիրված ասուլիսի ժամանակ տեղեկությունը հայտնեց ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության բժիշկ-համաճարակաբան Եվգենյա Խաչատրյանը։

Նա հավելեց, որ նախորդ տարվա նույն ժամանակահատվածի համեմատ սուր շնչառական վարակներով հիվանդացությունների դեպքերն աճել են 1,5 անգամ։

«Հոկտեմբերի 26-ի դրությամբ ՀՀ բժշկական կազմակերպություններում սուր շնչառական վարակներով հոսպիտալացված է 500 բուժառու, որոնց 90 տոկոսը 0-18 տարեկան երեխաներ են։ Հոսպիտալացվածներից 16-ը, որոնք 0-4 տարեկան երեխաներ են, գտնվում են վերակենդանացման բաժանմունքում»,-ասաց նա։

Խաչատրյանի խոսքով՝ հիվանդացությանդեպքերի մոտ 70 տոկոսն արձանագրվում է 0-18 տարեկանների շրջանում, որոնցից գրեթե 50 տոկոսը 0-4 տարեկան երեխաներ են։

Խաչատրյանն ընդգծեց, որ շտապօգնության ընդհանուր կանչերի գրեթե 12%-ը կապված է սուր շնչառական վարակների հետ։

«Կարելի է ասել, որ բուժհաստատությունները ծանրաբեռնված են և հիվանդների ԲԿ-ներ դիմելիությունը շարունակվում է»,–հավելեց նա։

Առողջապահության նախարարության Հիվանդությունների վերահսկման և կանխարգելման ազգային կենտրոնի իմունականխարգելման և կառավարելի վարակիչ հիվանդությունների համաճարակաբանության բաժնի պետ Սվետլանա Գրիգորյանը քաղաքացիներին կոչ արեց պատվաստվել սեզոնային գրիպի դեմ։ Նա վստահեցրեց, որ հանրապետությունում կա բավարար քանակությամբ պատվաստանյութ, սակայն առաջնահերթությունը տրվում է ռիսկային խմբերին` երեխաներին, հղիներին, տարեցներին, խրոնիկ հիվանդություններ ունեցողներին և բուժաշխատողներին։

«Ավելի քան 20 հազար մարդ արդեն պատվաստվել է։ Այն անվճար է բոլորի համար, այդ թվում՝ օտարերկրացիների»,-ասաց Գրիգորյանը։

Աղբյուրը՝ tert.am

● Այս խորագրի վերջին նյութերը

Դեսպան Լիլիթ Մակունցի եղբոր ընկերությունը դարձյալ ապօրինի ավազ է արդյունահանել

14.11.2024 ● 16:43

«Իկս Ֆարմինգ» ՍՊԸ-ի գյուղնշանակության հողատարածքից դարձյալ ապօրինի ավազ է արդյունահանվել:

Դեմ ենք քաղաքային տրանսպորտի մինչև 300 դրամ թանկացմանը․ միացիր, որ փոխենք (տեսանյութ)

14.11.2024 ● 16:30

Ո՛չ տրանսպորտի թանկացմանը։

Խաչմերուկը փակ է․ Նիկոլ Փաշինյանի ավտոշարասյունն է անցնում

14.11.2024 ● 15:46

Խաչմերուկը փակ է․ Նիկոլ Փաշինյանի ավտոշարասյունն է անցնում։

Ադրբեջանը և Թուրքիան համատեղ ռազմածովային զորավարժություններ կանցկացնեն

14.11.2024 ● 15:38

Զորավարժությունները տեղի կունենան նոյեմբերի 18-ից 29-ը Միջերկրական ծովում՝ Մուղլա նահանգի Ակսազ շրջանի ափերի մոտ։

Երրորդ հանրապետության մեծագույն սխալը ձեզ իշխանություն տալն էր․ Խամոյանը՝ Փաշինյանին (տեսանյութ)

14.11.2024 ● 15:35

Դուք էս մարդկանց կոչ եք արել գնալ կռվել, նրանց մի մասն էլ զոհվել է, հետո հայտարարել եք, որ էն գլխից մենք պարտված էինք, արդյունքը նույնն էր լինելու՝ միայն առանց զոհվելու։