Փորձագետները պեղումներ են իրականացրել Աթենքի մոտ գտնվող ափին։ Նրանց հաջողվել է մ.թ.ա. 4-րդ դարի խորտակված քաղաքի մնացորդներ բացահայտել։ Գիտնականները ենթադրում են, որ իրենց հայտնաբերած շինությունների հիմքերը պատկանում են հնագույն Սալամիս քաղաքին, հայտնում է BILD-ը։

Կա ևս մեկ քաղաք նույն անունով, բայց այն գտնվում է Կիպրոսի արևելքում և ոչ մի ընդհանուր բան չունի Աթենքի մոտ գտնվող հնագույն քաղաքի հետ։

Սալամինա՝ և՛ քաղաքը, և՛ համանուն կղզին, առավել հայտնի է մ.թ.ա. 5-րդ դարում տեղի ունեցած Սալամիսի ճակատամարտով, որը կարևոր իրադարձություն էր հունա-պարսկական պատերազմներում, երբ հին հունական քաղաք-պետությունները կռվում էին պարսկական Աքեմենյան կայսրություն դեմ։

Հնագետները, մասնավորապես, հայտնաբերել են հին ծովային պատի մնացորդներ, որը ժամանակին պաշտպանել է Սալամիս քաղաքը։ Բացի այդ, նրանք գտել են մի կառույց, որն, ըստ ամենայնի, հանդիպման վայր էր և յուրօրինակ բիզնես կենտրոն։ Պեղումների ընթացքում հետազոտողները կարողացել են ներքևից գտնել լավ պահպանված բրոնզե մետաղադրամներ, մարմարի բեկորներ, ծաղկամաններ և տարբեր դարաշրջանների կերամիկա:

Աղբյուրը՝ news.am