Թուրքական ԶԼՄ–ները գրում են, որ Թուրքիայի արտգործնախարար Հաքան Ֆիդանի և ԱՄՆ պետքարտուղար Էնթոնի Բլինկենի բանակցությունների ժամանակ Անկարան ուղերձներ է հղել Վաշինգտոնին։ Տեղեկությունը հայտնում է ՌԻԱ Նովոստին։

Հաքանի և Բլինկենի բանակցությունները կայացել են երեկ Թուրքիայի մայրաքաղաքում։ Թուրքական ԶԼՄ–ներում և սոցցանցերում քննարկման առարկա են դարձել նրանց հանդիպման կադրերը, որտեղ, ըստ լրագրողների, երևում է, թե ինչպես է ամուր ձեռքսեղմումից հետո Բլինկենը փորձում գրկել Ֆիդանին, բայց թուրք նախարարը հետքայլ է անում` շարունակելով սեղմել պետքարտուղարի ձեռքը։

Անկարայում Բլինկենի ոչ սիրալիր ընդունելությունը բուռն քննարկման թեմա է դարձել սոցցանցերի թուրքական տիրույթում, օգտատերերից ոմանք կարծում են, որ ամերիկյան քաղաքական գործիչը ստացավ այն, ինչին արժանի էր։ Օգտատերերը նկատել են, որ Անկարայում ԱՄՆ դեսպանը պետքարտուղարին դիմավորելիս ձեռքը գրպանն է մտցրել։

Աղբյուրը՝ armeniasputnik.am